''రంగస్థలం'' సినిమాకు తర్వాత అందాల రాశి సమంత తన తదుపరి సినిమా కోసం పారితోషికాన్ని తగ్గించేయడం ప్రస్తుతం సోషల్ మీడియాలో చర్చనీయాంశమైంది. సమంత తదుపరి సినిమాపై కన్నేసింది. యూ-టర్న్ సినిమాపై సమంత పూర్తి ద
''రంగస్థలం'' సినిమాకు తర్వాత అందాల రాశి సమంత తన తదుపరి సినిమా కోసం పారితోషికాన్ని తగ్గించేయడం ప్రస్తుతం సోషల్ మీడియాలో చర్చనీయాంశమైంది. సమంత తదుపరి సినిమాపై కన్నేసింది. యూ-టర్న్ సినిమాపై సమంత పూర్తి దృష్టి సారించింది. ఈ చిత్రంలో సమంత వైవిధ్యమైన పాత్రలో కనిపించనుంది.
ఈ పాత్ర తెగ నచ్చేయడంతో ఆమె పారితోషికాన్ని కూడా తగ్గించేసుకుందని టాక్ వస్తోంది. యూ-టర్న్ సినిమా షూటింగ్ రాజమండ్రి పరిసర ప్రాంతాల్లో జరుగుతోంది. ఇక్కడ సమంతపై కలక సన్నివేశాలను చిత్రీకరిస్తున్నారు.
కథానాయిక ప్రాధాన్యత కలిగిన చిత్రం కావడంతో ఓ మాదిరి బడ్జెట్‌తో ఈ సినిమా నిర్మాణం జరుగుతోంది. సమంత కెరీర్‌లో అతి తక్కువ బడ్జెట్‌తో రూపొందుతున్న సినిమా ఇదని టాక్. అయితే పాత్ర నచ్చడంతో.. ఆ పాత్రకు ప్రాధాన్యత వుండటంతో పారితోషికంతో పనిలేకుండా సమ్మూ గ్రీన్ సిగ్నల్ ఇచ్చేసిందని టాక్ వస్తోంది.
కన్నడలో బ్లాక్ బస్టర్ హిట్ కొట్టిన యూ-టర్న్‌కు రీమేక్‌గా ఈ మూవీని తెరకెక్కిస్తున్నారు. కన్నడ దర్శకుడు పవన్ కుమారే షూట్ చేస్తున్నారు. శ్రీనివాస సిల్వర్ స్క్రీన్ బ్యానర్‌పై నిర్మిస్తున్నారు. ఇందులో ఆది పినిశెట్టి కీలక పాత్రలో కనిపిస్తున్నాడని.. రాహుల్ రవిచంద్రన్ సమంత బాయ్‌ఫ్రెండ్‌గా కనిపిస్తాడని ఫిలిమ్ నగర్ వర్గాల్లో జోరుగా చర్చ సాగుతోంది.