వెండితెరపై మరో హాట్ యాంకర్.... ఉదయభాను.. అనసూయ... రష్మీ గౌతమ్.. ఇపుడు?

ఇటీవలి కాలంలో వెండితెరపై బుల్లితెర యాంకర్ల హవా కొనసాగుతుంది. ఇప్పటికే ఎంతోమంది యాంకర్లు చిన్న పాత్రల్లో నటించారు. కానీ ఈ మధ్య హీరోయన్ల స్థాయిలో యాంకర్లు నటిస్తూ రెచ్చిపోతున్నారు. ఇప్పటికే 'జబర్ధస్త్'

ఇటీవలి కాలంలో వెండితెరపై బుల్లితెర యాంకర్ల హవా కొనసాగుతుంది. ఇప్పటికే ఎంతోమంది యాంకర్లు చిన్న పాత్రల్లో నటించారు. కానీ ఈ మధ్య హీరోయన్ల స్థాయిలో యాంకర్లు నటిస్తూ రెచ్చిపోతున్నారు. ఇప్పటికే 'జబర్ధస్త్' కామెడీ షోతో పరిచయమైన హాట్ యాంకర్లు అనసూయ, రష్మీ, నీహారికలు వెండితెరపై తమ సత్తా చాటుతున్నారు. వీరితో పాటు ఈ మద్య 'పటాస్' షోతో విపరీతమైన క్రేజ్ తెచ్చుకున్న శ్రీముఖి కూడా వెండితెరపై మంచి అవకాశాలు దక్కించుకుంది. 

తాజాగా మరో హాట్ యాంకర్ కూడా వెండితెరపై తన అదృష్టాన్ని పరీక్షించుకోవడానికి వస్తుంది. ఇంతకీ ఎవరా హాట్ యాంకర్ అనుకుంటున్నారా...! పాపులర్ టీవీ షోస్లో తన మాటలు, ఆటలతో అలరించిన లాస్య. తక్కువ టైమ్లో బుల్లితెరపై మంచి యాంకర్గా పేరు తెచ్చుకున్న లాస్య ఇప్పుడు 'రాజా మీరు కేక' అనే చిత్రంలో వెండితెరపై మెరవబోతుంది. వీరికంటే ముందు ఉదయభాను, ఝాన్సీలు వెండితెరపై కనిపించిన విషయం తెల్సిందే. 

అయితే, లాస్య నటిస్తున్న చిత్రానికి కృష్ణ కిషోర్ దర్శకత్వం వహిస్తున్నారు. ఈ చిత్రం ఓ థ్రిల్లింగ్ కాన్సెప్ట్ తో రూపొందగా ఓ ముగ్గురు వ్యక్తుల కిడ్నాప్ నేపథ్యంలో కథ సాగనుంది. సురేష్ ప్రొడక్షన్స్ సమర్పిస్తున్న ఈ చిత్రాన్ని ఆర్కే స్టూడియోస్‌పై ఎం.రాజ్ కుమార్ నిర్మించారు. ప్రస్తుతం ఈ చిత్రం పోస్ట్ ప్రొడక్షన్ కార్యక్రమాలు జరుపుకుంటున్నాయి.