చైతూతో సమంత అత్తారింటికి వెళ్తుందా..? త్రివిక్రమ్‌ సినిమాలో మళ్లీ మెరుస్తుందా?

అత్తారింటికి దారేది సినిమాకు తర్వాత పవన్ కళ్యాణ్-త్రివిక్రమ్ మళ్లీ సినిమా చేయబోతున్నారు. ఈ సినిమాలో అత్తారింటికి దారేదిలో నటించిన సమంతనే హీరోయిన్‌గా ఎంపిక కానుందని సమాచారం. ఓ వైపు కాటమరాయుడు షూటింగ్‌ల

అత్తారింటికి దారేది సినిమాకు తర్వాత పవన్ కళ్యాణ్-త్రివిక్రమ్ మళ్లీ సినిమా చేయబోతున్నారు. ఈ సినిమాలో అత్తారింటికి దారేదిలో నటించిన సమంతనే హీరోయిన్‌గా ఎంపిక కానుందని సమాచారం. ఓ వైపు కాటమరాయుడు షూటింగ్‌లో పాల్గొంటూనే, మరోవైపు వేదాలం రీమేక్‌లో నటించేందుకు కమిటైన పవన్ త్వరలోనే త్రివిక్రమ్ దర్శకత్వంలోనూ నటించేందుకు గ్రీన్ సిగ్నల్ ఇచ్చాడని తెలుస్తోంది. ఈ సినిమా వంద కోట్ల బడ్జెట్‌తో ఉంటుందని.. ఇందులో సమంతనే హీరోయిన్‌గా నటిస్తుందని సమాచారం. ఈ చిత్రానికి దేవుడే దిగి దిగివచ్చినా అనే టైటిల్ కూడా ఫిక్స్ అయ్యిందని వార్తలు వినిపిస్తున్నాయి.

ఇకపోతే.. ఈ చిత్రంలో త్రివిక్రమ్ ఇద్దరు హీరోయిన్లకు ఛాన్స్ ఇవ్వబోతున్నాడని ఆ ఇద్దరిలో ఒకరు సమంత అయితే మరో హీరోయిన్ రకుల్ ప్రీత్ సింగ్ అంటూ ప్రచారం సాగుతోంది. కొన్నేళ్లుగా సమంతకు వరుసబెట్టి అవకాశాలు ఇస్తున్న త్రివిక్రమ్… ఈ సారి కూడా ఆమెకు ఛాన్స్ ఇవ్వొచ్చని తెలుస్తోంది. అయితే త్వరలోనే నాగచైతన్యను పెళ్లి చేసుకోవడానికి సిద్ధమవుతున్న సమంత…మరోసారి త్రివిక్రమ్ మూవీలో నటించేందుకు గ్రీన్ సిగ్నల్ ఇస్తుందా లేదా అనేది తెలియాలంటే వేచి చూడాలి.