లియోతో త్రిష రికార్డ్.. ఏంటది..?

సీనియర్ హీరోయిన్ త్రిష ప్రస్తుతం ఓ వెలుగు వెలుగుతోంది. పీఎస్2 తర్వాత ఆమె దశ తిరిగింది. మణిరత్నం తీసిన "పొన్నియన్ సెల్వన్" చిత్రం తమిళనాడులో కొత్త రికార్డులు నెలకొల్పింది. పీఎస్ -2కి తర్వాత ఆమెకి మళ్ళీ క్రేజ్ పెరిగింది. అలా ఆమె విజయ్ సరసన "లియో" చిత్రంలో నటించింది.

"లియో" కూడా మొదటివారం భారీ వసూళ్లు అందుకొంది. తెలుగులో ఇప్పటికే ఈ సినిమా హిట్. ఇక తమిళ్ వర్షన్ కూడా సూపర్‌‌గా ఆడుతోంది. అమెరికాలో ఈ సినిమా 5 మిలియన్ వసూళ్ల దిశగా సాగుతోంది. దాంతో, అమెరికాలో మూడు "5 మిలియన్ల" మూవీస్ లిస్టులో వున్న మొదటి తమిళ హీరోయిన్‌గా రికార్డ్ క్రియేట్ చేసింది. 

పొన్నియన్ సెల్వన్ మొదటి భాగం 6 మిలియన్లు, రెండో భాగం 5 మిలియన్ల వసూళ్లు అందుకున్నాయి. ఇప్పుడు "లియో" కూడా రెండో వారంలో 5 మిలియన్ల మార్క్ అందుకోవచ్చు. ఇకపోతే.. దీంతో త్రిషకి ఇంకా క్రేజ్ పెరగడం ఖాయం. ఆమెకిప్పుడు 39 ఏళ్ళు.