ఐశ్వర్యారాయ్ తల్లి బృందా రాయ్ గర్భంగా ఉన్నప్పుడు నా ఫోటోలే ఎక్కువగా చూస్తుండేది!
అందం అంటే ఆమెదే.. ప్రపంచం ఆమె అందానికి దాసోహం అంది. కుర్రకారు మొద‌లుకుని సినీ నిర్మాత‌ల వ‌ర‌కూ ఆమె అందానికి ఆక‌ర్షితులే. ప్రపంచ సుందరి కిరీటాన్ని తన సిగ‌లో చేర్చుకున్న తర్వాత కూడా అదే అందచందాల‌ను ఒ
అందం అంటే ఆమెదే.. ప్రపంచం ఆమె అందానికి దాసోహం అంది. కుర్రకారు మొద‌లుకుని సినీ నిర్మాత‌ల వ‌ర‌కూ ఆమె అందానికి ఆక‌ర్షితులే. ప్రపంచ సుందరి కిరీటాన్ని తన సిగ‌లో చేర్చుకున్న తర్వాత కూడా అదే అందచందాల‌ను ఒల‌క‌పోసింది… ఆమె ఎవరో ప్రత్యేకంగా చెప్పాల్సిన అవ‌స‌రం లేదు. ఆమె ఐశ్వర్యరాయ్ అని అందరికి ఇట్టే తెలిసిపోతుంది. 1994లో మిస్ వరల్డ్ టైటిల్ పొందింది మొదలు ఐశ్వర్య రాయ్ భారతీయ మహిళలను ఎంతగానో ప్రభావితం చేశారు. సాంప్రదాయ సుడిగుండంలో చిక్కుకోకుండా ఐష్ తన ప్రతిభకు మెరుగులు పెడుతూనే వచ్చారు.
వివాహానంతరం కూడా ఆమె తన కెరీర్ గ్రాఫ్‌నూ పెంచుకుంటూనే వచ్చారు. ఓ బిడ్డకు జన్మనిచ్చిన తర్వాత కాస్త శ‌రీరానికి విరామం ఇచ్చారు. ఇంతకాలం ఐష్ అంత‌టి అందాన్ని ఎలా కాపాడుకోగ‌లిగారనేది చాలా మందికి తెలియ‌దు. అయితే ఈ మాజీ సుందరి అందం రహస్యం వెనకున్నది ఓ మహిళ. ఆమె ఎవరో కాదు అలనాటి అందాల నటి రేఖ. ఏంటీ... ఆశ్చర్యపోతున్నారా... ఐష్ అందానికి రేఖకు సంబంధమేంటి అని ఆలోచిస్తున్నారా? ఆదివారం రాత్రి ముంబైలో ఫిలింఫేర్‌ అవార్డ్స్‌ కార్యక్రమం జరిగింది. ఐష్, రేఖలతో పాటు ఎందరో బాలీవుడ్‌ ప్రముఖులు ఆ కార్యక్రమానికి విచ్చేశారు.
ఈ సందర్భంగా రేఖ మాట్లాడుతూ ఐష్ తల్లి బృందా రాయ్ గర్భిణిగా ఉన్నప్పుడు తన ఫొటోలే ఎక్కువగా చూస్తుండేదని, అమ్మ కడుపులో ఉన్న ఐష్ తల్లి కళ్ల ద్వారా తనని చూస్తుండేదని అందుకే ఇంత అందంగా పుట్టిందని చెప్పారు. అది విని ఒక్కసారిగా అందరూ నోరెళ్లబెట్టి నిజమా.. అన్నట్లు చూస్తుండిపోయారు. కొద్దిసేపటి తర్వాత ఏదో సరదాగా చెప్పాను.. అని రేఖ నవ్వేయడంతో అందరూ తేరుకున్నారు. కానీ ఐష్, రేఖలు మాత్రం స్టేజ్‌పైన అందాల దేవతలుగా మెరిసిపోవడంతో ఆడియన్స్‌తో పాటు ప్రముఖులు కూడా ఫిదా అయిపోయారు.