అది గౌతమి వ్యక్తిగత నిర్ణయం.. నాకు నా తల్లిదండ్రులు - అక్షరే ముఖ్యం : శృతిహాసన్
'లోకనాయకుడు' కమల్ హాసన్‌తో నటి గౌతమి దాదాపు 13 సంవత్సరాలు సహజీవనం చేసింది. నవంబర్ 1వ తేదీతో వీరి సహజీవనానికి తెరపడింది. కమల్ హాసన్ నుంచి విడిపోతున్నట్లు గౌతమి స్వయంగా సోషల్ మీడియాలో ప్రకటించింది. ఇది
లోకనాయకుడు' కమల్ హాసన్‌తో నటి గౌతమి దాదాపు 13 సంవత్సరాలు సహజీవనం చేసింది. నవంబర్ 1వ తేదీతో వీరి సహజీవనానికి తెరపడింది. కమల్ హాసన్ నుంచి విడిపోతున్నట్లు గౌతమి స్వయంగా సోషల్ మీడియాలో ప్రకటించింది. ఇది గుండెలు పగిలే సంఘటనగా గౌతమి పేర్కొంది. దీంతో సినీప్రపంచం మొత్తం షాక్‌కు గురైంది.
తమ ఎడబాటుపై గౌతమి మాట్లాడుతూ.. ''నేను, కమల్ హాసన్ ఇక ఎక్కువ కాలం కలసి ఉండలేమన్న విషయం నాగుండేని చిదిమేస్తోందని, 13 ఏళ్ల తర్వాత నా జీవితంలో తీసుకుంటున్న భయంకర నిర్ణయం ఇది'' అని గౌతమి పేర్కొంది. కమల్ అంటే తనకు చాలా ఇష్టమని... ఆయన నుంచి విడిపోతుండటం తనకు చాలా బాధగానే ఉందని ఆమె తెలిపారు. తనకు జాలి పొందే ఉద్దేశం లేదని గౌతమి వ్యాఖ్యానించింది. తాను మొదట తల్లినని, సాధ్యమైనంత వరకు తన బిడ్డకు మంచి తల్లిగా ఉండటమే నాకు ముఖ్యమని గౌతమి పేర్కొన్నారు.
ఇదిలావుంటే కమల్ గారాలపట్టి శృతి హాసన్‌కు గౌతమిల మధ్య విభేదాలు ఉన్నట్లు వార్తలు వెలువడిన సంగతి తెలిసిందే. తాజాగా కమల్ హాసన్‌తో గౌతమి విడిపోవడంపై శృతి హాసన్ స్పందించింది. ఇది వారిద్దరికీ సంబంధించిన విషయమని... ఇతరుల వ్యక్తిగత జీవితం, నిర్ణయాలపై తాను మాట్లాడనని...తనకు తన తల్లిదండ్రులు, చెల్లెలు అక్షర హాసన్‌లే ముఖ్యమని తేల్చి చెప్పింది.