పుష్ప-2 సినిమా షూటింగ్ శరవేగంగా జరుగుతోంది. ఈ సినిమా కోసం సుకుమార్ భారీగా కసరత్తులు చేస్తున్నాడు. అగ్ర నటులను సుక్కు ఈ సినిమాలోకి దిగేందుకు రంగం సిద్ధం చేస్తున్నాడు.
తాజాగా ఈ సినిమాలో రాంచరణ్ గెస్ట్ రోల్‌లో నటిస్తున్నాడని తెలిసింది. అది కూడా చెర్రీ కెరీర్‌లో బెస్ట్ పాత్ర అయిన చిట్టిబాబు క్యారెక్టర్‌లో సుకుమార్ దర్శకత్వంలో వచ్చిన రంగస్థలం చెర్రీ కెరీర్‌లోనే బెస్ట్ మూవీగా నిలిచింది. ముఖ్యంగా చిట్టిబాబు క్యారెక్టర్‌ను పుష్ప పార్ట్-2కి సుక్కు లింక్ చేయబోతున్నారని సమాచారం.
రంగస్థలం, పుష్ప రెండు కూడా 1980లో జరిగే కథాంశాలు కావడంతో పుష్ప యూనివర్స్ క్రియేట్ చేసేందుకు సుక్కు ప్లాన్ చేస్తున్నాడట. ఇక సుక్కు తరువాతి సినిమా కూడా చెర్రీతోనే ఉండటంతో ఈ వార్తలు నిజమేనని ఇండస్ట్రీ సర్కిల్స్‌లో గుసగుసలు గట్టిగానే వినిపిస్తున్నాయి.