ముద్దు సీన్లు చాలా అర్థవంతంగా ఉన్నాయ్.. శృంగారానికి సంబంధించినవి కావు: నిహ్లానీ
ముద్దు సీన్లకు, అడల్ట్ సినిమాలకు సెన్సార్ కట్ ఇచ్చే సీబీఎఫ్‌సీ చైర్మన్‌ పహ్లాజ్‌ నిహ్లాని తాజాగా బేఫికర్ సినిమాకు యూ అండ్ ఏ సర్టిఫికేట్ ఇచ్చి సంచలనం సృష్టించాడు. సినిమాల్లో అశ్లీలత అంగీకరించని నిహ్లాన
ముద్దు సీన్లకు, అడల్ట్ సినిమాలకు సెన్సార్ కట్ ఇచ్చే సీబీఎఫ్‌సీ చైర్మన్‌ పహ్లాజ్‌ నిహ్లాని తాజాగా బేఫికర్ సినిమాకు యూ అండ్ ఏ సర్టిఫికేట్ ఇచ్చి సంచలనం సృష్టించాడు. సినిమాల్లో అశ్లీలత అంగీకరించని నిహ్లాని.. యశ్‌రాజ్‌ ఫిలిమ్స్‌ బ్యానర్‌లో తెరకెక్కిన 'బేఫికర్' పట్ల నిహ్లానీ ఇంత ఉదారంగా ఉండేందుకు కారణం ఏమిటని జాతీయ మీడియా ప్రశ్నించడంతో.. స్పందించాడు.
ఏమన్నాడంటే.. గతంలో జేమ్స్‌బాండ్ సినిమా స్పెక్టర్‌లో ఓ ముద్దు సీన్‌కు బోలెడు కట్లు ఇచ్చిన నిహ్లాని... ఆపై పంజాబ్‌లోని విష సంస్కృతి నేపథ్యంలో తెరకెక్కిన 'ఉడ్తాపంజాబ్‌'ను ముప్పుతిప్పలు పెట్టాడు. ఆ సమయంలో సెన్సార్ తీరుపై దేశవ్యాప్తంగా చర్చ జరిగింది. అలాంటిది ఇప్పుడు 23 ముద్దు సీన్లు ఉన్న 'బేఫికర్' సినిమాకు యూఅండ్ఎ ఇచ్చాడు. అయితే ఈ సినిమాకు సెన్సార్ బోర్డు యూ/ఎ సర్టిఫికెట్‌ ఇవ్వడంపై నిహ్లాని విచిత్రంగా సమాధానం ఇచ్చుకున్నారు.
బేఫికర్‌లోని ముద్దు సీన్లు చాలా అర్థవంతంగా ఉన్నాయన్నారు. అవి శృంగారానికి సంబంధించిన ముద్దులు కావన్నారు. ప్రేమను వ్యక్తపరిచే ముద్దులైనా.. ఆ సినిమా భారతీయ సంస్కృతికి ప్రాతినిధ్యం వహించడం లేదు. కథ అంతా పారిస్‌లో జరుగుతుంద'ని తెలిపాడు. మరి నిహ్లానీ లాజిక్ కరెక్టయితే గతంలో జేమ్స్‌బాండ్‌లోని కిస్ సీన్‌కు ఎందుకు అన్ని కట్స్ చెప్పాడని ఫిలిమ్ నగర్ వర్గాల్లో వార్తలొస్తున్నాయి.