రోబో 2.0 కోసం దేశాన్నే క్రియేట్ చేస్తున్న శంకర్.. రజనీకాంత్ కోసమే ఇదంతా?

కబాలి కలెక్షన్ల వర్షం కురిపించిన సంగతి తెలిసిందే. ఈ సినిమా తర్వాత తమిళ సూపర్ స్టార్ రజనీకాంత్ ప్రముఖ దర్శకుడు శంకర్ దర్శకత్వంలో రోబో 2.0 సినిమాలో నటిస్తున్నాడు. ఈ సినిమాలో యానిమేషన్, టెక్నికల్ వర్క్ అ

కబాలి కలెక్షన్ల వర్షం కురిపించిన సంగతి తెలిసిందే. ఈ సినిమా తర్వాత తమిళ సూపర్ స్టార్ రజనీకాంత్ ప్రముఖ దర్శకుడు శంకర్ దర్శకత్వంలో రోబో 2.0 సినిమాలో నటిస్తున్నాడు. ఈ సినిమాలో యానిమేషన్, టెక్నికల్ వర్క్ అదిరిపోతుందని ఇప్పటికే కోలీవుడ్‌లో టాక్ వస్తోంది. తాజాగా రజనీకాంత్ కోసం శంకర్  దేశాన్నే క్రియేట్‌ చేస్తున్నారట. 

అత్యాధునిక పరిజ్ఞానం ఉపయోగించి భారీ బడ్జెట్‌తో నిర్మిస్తున్న ఈ చిత్రంలోని ఓ రొమాంటిక్‌ పాట చిత్రీకరణను తొలుత ఉక్రెయిన్‌లో జరపాలనుకున్నారు. అయితే రజనీ ఆరోగ్యాన్ని దృష్టిలో ఉంచుకుని మొత్తం పాటను భారత్‌లోనే తీయనున్నట్లు కోలీవుడ్‌ సమాచారం. శంకర్‌ ఉక్రెయిన్‌లోని చక్కటి లొకేషన్స్‌ ఎంచుకుని వీఎఫ్‌ఎక్స్‌ ద్వారా ఆ దేశ అందాలను పాటకు జత చేయనున్నారట.

ఈ పనుల్ని ఇప్పటికే మొదలు పెట్టేశారట. లొకేషన్స్‌కు వెళ్లకుండా ఆ దేశ అందాలను కళ్లుకు కట్టినట్లు చూపించబోవడం విశేషం అంటున్నాయి సినీ వర్గాలు. అమీజాక్సన్‌ కథానాయికగా నటిస్తున్న ఈ చిత్రంలో అక్షయ్‌కుమార్‌ ప్రతినాయకుడి పాత్రను పోషిస్తున్నారు. ఎ.ఆర్‌. రెహమాన్‌ సంగీతం సమకూరుస్తున్న ఈ సినిమా 'రోబో'కి సీక్వెల్‌గా తెరకెక్కుతోంది.