సాయిప‌ల్ల‌వి ప్లేస్‌లో పూజాహెగ్డే!

మెగాస్టార్ చిరంజీవి న‌టిస్తున్న తాజా చిత్రం ~ఆచార్య‌`. కొర‌టాల శివ ద‌ర్శ‌క‌త్వంలో రూపొందుతోంది. ఈ చిత్రం షూటింగ్ ప్రస్తుతం హైదరాబాద్‌లో జరుగుతోంది, ఈ చిత్రంలో ఓ ముఖ్య పాత్ర చిత్రీకరణ కోసం రామ్ చరణ్ కూడా చేరారు. ఈ చిత్రంలో ఇప్ప‌టికే కాజల్ అగర్వాల్  న‌టిస్తోంది.  ఇటీవ‌లే ఒక ఇంటర్వ్యూలో `ఇది కమర్షియల్ ఎంటర్టైనర్ అవుతుందనీ,  చాలా కాలం తర్వాత తాను మంచి పాత్రను పోషిస్తున్నాన‌ని` కాజ‌ల్‌ వెల్లడించారు.  కాగా, ఇటీవ‌లే చిరంజీవి ఈ చిత్రం షూట్ కోసం నిర్మించిన భారీ ఆలయ సెట్ స్నీక్ పీక్ను పంచుకున్నారు, ఇది అభిమానుల ఆనందాన్ని కలిగించింది.

ఇప్పుడు, సంచలనం ఏమిటంటే, ఈ చిత్రంలో కీలక పాత్ర కోసం పూజా హెగ్డేను సంప్రదించార‌నీ, ఆమె వారంలో షూటింగ్‌లో చేరవచ్చు అని వార్త‌లు వ‌స్తున్నాయి. దీనిపై చిత్ర బృందం ఇంకా అధికారిక ప్రకటన చేయకపోగా, సాయి పల్లవి గతంలో తిరస్కరించిన పాత్ర కోసం ఆమెను సంప్రదించినట్లు తెలుస్తోంది.  ఈ చిత్రంలో రామ్ చరణ్ సరసన ఆమె నటించనుందని స‌మాచారం. రామ్ చరణ్ సిద్ధ అనే పాత్రను పోషిస్తున్నాడు. గ‌ద్దెల‌కొండ‌ గణేష్ సినిమాలో శ్రీదేవి లాగా ఆమె ఈ చిత్రంలో విలేజ్ అమ్మాయి పాత్ర పోషిస్తుందని ఫిలింన‌గ‌ర్ క‌థ‌నాలు చెబుతున్నాయి. కాగా,  ప్ర‌స్తుతం రాధా కృష్ణ ద‌ర్శ‌క‌త్వంలో పాన్-ఇండియా చిత్రం `రాధే శ్యామ్‌`లో పూజా న‌టిస్తోంది. ఇక బొమ్మరిల్లు భాస్కర్ చేస్తున్న `మోస్ట్ ఎలిజిబుల్ బ్యాచిలర్`లో న‌టించింది. ఏది ఏమైనా త్వ‌ర‌లో ఆచార్య గురించి ఆమె వివ‌రాలు తెలియ‌నున్నాయి.