అదృష్టవశాత్తూ ఇప్పటికీ అవకాశాలు వస్తున్నాయ్.. అమితాబ్

అమితాబ్ బచ్చన్‌, తాప్సీ ప్రధాన పాత్రల్లో నటిస్తున్న 'పింక్‌'. ఈ సినిమా ట్రైలర్‌ను మంగళవారం విడుదల చేశారు. క్రైమ్‌ ఇన్వెస్టిగేషన్‌ థ్రిల్లర్‌గా అనిరుద్ధ రాయ్‌ చౌదరి దర్శకత్వంలో రూపొందిన 'పింక్‌' సినిమా

అమితాబ్ బచ్చన్‌, తాప్సీ ప్రధాన పాత్రల్లో నటిస్తున్న 'పింక్‌'. ఈ సినిమా ట్రైలర్‌ను మంగళవారం విడుదల చేశారు. క్రైమ్‌ ఇన్వెస్టిగేషన్‌ థ్రిల్లర్‌గా అనిరుద్ధ రాయ్‌ చౌదరి దర్శకత్వంలో రూపొందిన 'పింక్‌' సినిమా సెప్టెంబర్‌ 18న విడుదల కానుంది. పింక్ సినిమాలో అమితాబ్ లాయర్ పాత్రలో నటించారు. షూజిత్ సిర్కర్ దర్శకత్వంలో ఈ సినిమాను తెరకెక్కించారు. 

విక్కీ డోనార్, మద్రాస్ కేఫ్, పికూ లాంటి సందేశాత్మక చిత్రాలను రూపొందించిన దర్శకుడు శూజిత్ సర్కార్ నిర్మాతగా మారి 'పింక్' అనే మరో సందేశాత్మక సినిమాను అందిస్తున్నారు. అనిరుద్ధ రాయ్ చౌదరి ఈ సినిమాకు దర్శకత్వం వహించారు. ఈ సినిమాలో తాప్సీ న్యాయం కోసం పోరాడే ఓ రేప్ బాధితురాలిగా నటించింది. ఈ సినిమాలో నటించిన బాలీవుడ్ మెగాస్టార్ అమితాబ్ బచ్చన్కు నటుడిగా 40 ఏళ్లకుపైగా అనుభవముంది. ఆయన ఎన్నో రకాల పాత్రలు పోషించారు. 

73 ఏళ్ల వయసులోనూ సత్తాచాటుతున్నారు. అగ్రహీరోగా వెలుగొంది, క్యారెక్టర్ స్టార్గా మారడం ఇబ్బందిగా అనిపించిందా అన్న మీడియా ప్రశ్నకు.. ఆ దిశగా ఆలోచించలేదని అమితాబ్ చెప్పారు. నటించడం తనకు ఇష్టమని, అదృష్టవశాత్తూ ఇప్పటికీ అవకాశాలు వస్తున్నాయని, క్యారెక్టర్ పాత్రలోనైనా లేదా ఇతర పాత్రలోనైనా నటిస్తానని అన్నారు. ఇండస్ట్రీ కి వచ్చి 40 ఏళ్ళు గడిచిన ప్రతి చిత్రం ఓ పరీక్షగా ఉంటుందని, పింక్ షూటింగ్ సమయంలో ప్రతిషాట్లో నటించే ముందు నిద్రలేని రాత్రులు గడిపానని తెలిపాడు. ప్రతి సీన్ చేసేముందు ఇప్పటికి మొదటి చిత్రంలాగే ఉంటుందని తెలిపారు.