"ఇంజనీర్ బాబు".. ‘ఇంటి పేరు – ఒంటి పేరు అంతా ఇదే…’ అంటున్న పవన్ కళ్యాణ్

పవర్‌స్టార్ పవన్ కళ్యాణ్, త్రివిక్రమ్ కాంబినేషన్‌లో ఓ చిత్రం తెరకెక్కుతోంది. ఈ చిత్రానికి "ఇంజనీర్ బాబు" ఫ్యాన్ మేడ్ టైటిల్‌ ఒకటి సోషల్ మీడియాలో హల్‌చల్ చేస్తోంది. ఈ టైటిల్‌కు ‘ఇంటి పేరు – ఒంటి పేరు అ

పవర్‌స్టార్ పవన్ కళ్యాణ్, త్రివిక్రమ్ కాంబినేషన్‌లో ఓ చిత్రం తెరకెక్కుతోంది. ఈ చిత్రానికి "ఇంజనీర్ బాబు" ఫ్యాన్ మేడ్ టైటిల్‌ ఒకటి సోషల్ మీడియాలో హల్‌చల్ చేస్తోంది. ఈ టైటిల్‌కు ‘ఇంటి పేరు – ఒంటి పేరు అంతా ఇదే…’ అని ట్యాగ్ లైన్‌ను జతచేశారు. 

పవన్ తాజా చిత్రం ‘కాటమరాయుడు’. ఈ చిత్రం గత నెలలో విడుదలై మంచి విజయాన్ని సొంతం చేసుకుంది. ఆ తర్వాత మాటల మాంత్రికుడు త్రివిక్రమ్ శ్రీనివాస్ దర్శకత్వంలో కొత్త చిత్రాన్ని నటిస్తున్నారు. ఈ సినిమా షూటింగ్ ఇటీవలే రామోజీఫిల్మ్ సిటీలో ప్రారంభమైంది. 'జల్సా', 'అత్తారింటికి దారేది'వంటి బ్లాక్‌ బస్టర్‌ హిట్‌ల తర్వాత వీరి కాంబినేషన్‌లో హ్యాట్రిక్ మూవీగా సిద్ధమవుతున్న ఈ సినిమాను, ఈ ఏడాది దసరాకు విడుదల చేయనున్నారు. 

పైగా, పవన్ నటిస్తున్న 25వ చిత్రం కావడం గమనార్హం. ఈ సినిమాకు సంబంధించిన పోస్టర్ ఒకటి సోషల్ మీడియాలో హల్ చల్ చేస్తుంది. ఫుల్ కమర్షియల్ ఎంటర్‌టైనర్‌గా తెరకెక్కుతోన్న ఈ సినిమాకు సంబంధించి తాజాగా టైటిల్ లోగోతో కూడిన ఫస్ట్ లుక్ విడుదలైంది. అయితే ఇది చిత్ర యూనిట్ విడుదల చేసిన ఫస్ట్ లుక్ కాదు, పవర్ స్టార్ అభిమాని రూపొందించిన ఫస్ట్ లుక్. 

అయితేనేం చిత్ర యూనిట్ మించిన క్వాలిటీ ఈ ఫస్ట్ లుక్‌లో ఉండడంతో సోషల్ మీడియాలో సందడి చేస్తోంది. త్రివిక్రమ్ మూవీలో పవన్ సాఫ్ట్ వేర్ ఇంజనీర్‌గా నటిస్తున్నాడని వార్త బయటకు రావడంతో పవన్ కొత్త మూవీకి “ఇంజనీర్ బాబు” అని నామకరణం చేసి, ‘ఇంటి పేరు – ఒంటి పేరు అంతా ఇదే…’ అని ట్యాగ్ లైన్ పెట్టి విడుదల చేసిన ఈ ‘ఫ్యాన్ మేడ్’ పోస్టర్ వైరల్‌గా మారింది.