ఎన్టీఆర్ బయోపిక్.. ఇందిరమ్మగా నదియా?

తెలుగుదేశం పార్టీ వ్యవస్థాపకులు నందమూరి తారక రామారావు జీవితం ఆధారంగా బయోపిక్ రెడీ అవుతోంది. ఈ చిత్రంలో ఎన్టీఆర్‌ పాత్రలో తనయుడు నందమూరి బాలకృష్ణ నటిస్తున్నారు. తేజ చిత్రానికి దర్శకత్వం వహిస్తున్నారు.

తెలుగుదేశం పార్టీ వ్యవస్థాపకులు నందమూరి తారక రామారావు జీవితం ఆధారంగా బయోపిక్ రెడీ అవుతోంది. ఈ చిత్రంలో ఎన్టీఆర్‌ పాత్రలో తనయుడు నందమూరి బాలకృష్ణ నటిస్తున్నారు. తేజ చిత్రానికి దర్శకత్వం వహిస్తున్నారు. ఇక ఎన్టీఆర్ జీవిత కథలో మాజీ ప్రధాన మంత్రి ఇందిరాగాంధీ పాత్ర కూడా కీలకం ఈ పాత్ర కోసం నటిని ఎంచుకోవడంపై తేజ పూర్తిగా దృష్టి పెట్టారు. 

ఇందిరమ్మ పాలనకు, అజమాయిషీకి ఎదురు నిలిచి గెలిచారు ఎన్టీఆర్. అందుకే ఎన్టీఆర్ బయోపిక్‌లో ఆరు సన్నివేశాల్లోనైనా ఇందిరాగాంధీని చూపించాల్సి వస్తోంది. ఈ పాత్రకు ఓ సీనియర్ నటిని ఎంచుకోవాలని బాలయ్య తేజకు సూచనలిచ్చారట. 

బాలయ్య సూచనల మేరకు సీనియర్ నటి నదియాను దర్శక, నిర్మాతలు సంప్రదించినట్లు సమాచారం. ఇందిరా గాంధీ పాత్ర కోసం నదియాను అనుకున్నారని తెలిసింది. నదియా ఆ పాత్రకు న్యాయం చేస్తుందని తేజ టీమ్ భావిస్తోందట. ఇప్పటికే సెకండ్ ఇన్నింగ్స్ ప్రారంభించిన నదియా అత్తారింటికి దారేది సినిమాలో అద్భుత నటనను ప్రదర్శించిన సంగతి తెలిసిందే.