ఎన్టీఆర్, వైఎస్సార్ బయోపిక్స్ వ‌చ్చేది ఒకే రోజునా?
ప్రస్తుతం తెలుగు సినిమా పరిశ్రమలో బయోపిక్స్ ట్రెండ్ న‌డుస్తోంది. సావిత్రి బ‌యోపిక్ వ‌చ్చి ఎంత‌టి విజ‌యాన్ని సాధించిందో తెలిసిందే. ఇప్పుడు ఎన్టీఆర్ బ‌యోపిక్ కూడా సెట్స్ పైకి వెళ్ల‌డానికి రెడీ అవుతోంది. క్రిష్ ద‌ర్శ‌క‌త్వంలో రూపొందుతోన్న ఎన్టీఆర్ బ‌యోప
ప్రస్తుతం తెలుగు సినిమా పరిశ్రమలో బయోపిక్స్ ట్రెండ్ న‌డుస్తోంది. సావిత్రి బ‌యోపిక్ వ‌చ్చి ఎంత‌టి విజ‌యాన్ని సాధించిందో తెలిసిందే. ఇప్పుడు ఎన్టీఆర్ బ‌యోపిక్ కూడా సెట్స్ పైకి వెళ్ల‌డానికి రెడీ అవుతోంది. క్రిష్ ద‌ర్శ‌క‌త్వంలో రూపొందుతోన్న ఎన్టీఆర్ బ‌యోపిక్ 2019 సంక్రాంతి నాటికి దాన్ని విడుదల చేస్తామని కూడా ప్రకటించారు.
ఇక మరోవైపు దర్శకుడు మహి వి రాఘవ్ మమ్ముట్టి ప్రధాన పాత్రలో దివంగ‌త నేత వై.ఎస్.రాజ‌శేఖ‌ర్ రెడ్డి బ‌యోపిక్ రూపొందుతోంది. ఈ ప్ర‌తిష్టాత్మ‌క చిత్రం జూలైలో రెగ్యుల షూట్‌కు వెళ్లనుంది. ఈ చిత్రాన్ని కూడా 2019 సంక్రాంతి నాటికి విడుదల చేసే యోచనలో సదరు దర్శక నిర్మాతలు ఉన్నట్లు తెలుస్తోంది.
ఇలా ఇద్దరు ప్రముఖ వ్యక్తుల బయోపిక్స్ ఒకేసారి విడుదల కానుండటం విశేషమనే చెప్పాలి. అయితే ఈ వార్తపై ఇంకా అఫీషియల్ కన్ఫర్మేషన్ రావాల్సి ఉంది. ఇదే క‌నుక నిజ‌మై.. రెండు బ‌యోపిక్‌లు ఒకేసారి రిలీజ్ అయితే... ఏ బ‌యోపిక్ విశేషంగా ఆక‌ట్టుకుంటుందనేది చూడాలి.