జూనియర్ ఎన్టీఆర్ తాజా చిత్రం దేవర షూటింగ్ శరవేగంగా జరుగుతోంది. "జనతా గ్యారేజ్" విజయం తర్వాత దర్శకుడు కొరటాల శివతో కలిసి దేవర చేస్తున్నాడు యంగ్ టైగర్. ఇందులో ఎన్టీఆర్ తండ్రీకొడుకులుగా ద్విపాత్రాభినయం చేస్తున్నారు.
ఇంకా బాలీవుడ్ బ్యూటీ జాన్వీ కపూర్ ఈ సినిమా ద్వారా తెలుగులో అరంగేట్రం చేయనుంది. తాజాగా ఈ స్టోరీ ప్రకారం రెండో హీరోయిన్ కూడా వున్నట్లు తెలిసింది.
ఇప్పటికే రెండో హీరోయిన్‌గా మరాఠీ నటి శ్రుతి మరాఠే ఎంపికైంది. ఈమెకు కూడా ఇదే తొలి తెలుగు సినిమా కానుంది. త్వరలోనే ఈమె షూటింగ్‌లో జాయిన్ కానుంది. ఈ సినిమాపై భారీ అంచనాలున్నాయి.