నాగ్ - నాని మూవీ టైటిల్ ఇదే..?

టాలీవుడ్ కింగ్ నాగార్జున - నేచుర‌ల్ స్టార్ నాని కాంబినేషన్లో రూపొందుతోన్న భారీ మ‌ల్టీస్టార‌ర్ శ‌ర‌వేగంగా షూటింగ్ జ‌రుపుకుంటోంది. ఈ సినిమాని అశ్వ‌నీద‌త్ నిర్మిస్తున్నారు. ఇందులో నాగార్జున డాన్‌గా న‌టిస్తుంటే... నాని డాక్ట‌ర్‌గా న‌టిస్తున్నాడు. ఇప్ప‌టి

టాలీవుడ్ కింగ్ నాగార్జున - నేచుర‌ల్ స్టార్ నాని కాంబినేషన్లో రూపొందుతోన్న భారీ మ‌ల్టీస్టార‌ర్ శ‌ర‌వేగంగా షూటింగ్ జ‌రుపుకుంటోంది. ఈ సినిమాని అశ్వ‌నీద‌త్ నిర్మిస్తున్నారు. ఇందులో నాగార్జున డాన్‌గా న‌టిస్తుంటే... నాని డాక్ట‌ర్‌గా న‌టిస్తున్నాడు. ఇప్ప‌టివ‌ర‌కు దాదాపు అర‌వై శాతం షూటింగ్ పూర్తిచేసుకుంది. నాగ్ - నాని క‌లిసి న‌టిస్తోన్న ఈ సినిమాపై భారీ అంచ‌నాలు ఏర్ప‌డ్డాయి. వినాయ‌క చ‌వితి సంద‌ర్భంగా సెప్టెంబ‌ర్‌లో ఈ సినిమాని రిలీజ్ చేయ‌డానికి ప్లాన్ చేస్తున్నారు.

ఇక టైటిల్ విష‌యానికి వ‌స్తే... దీనికి దేవ‌దాస్ అనే టైటిల్ ప‌రిశీలిస్తున్న‌ట్టు వార్త‌లు వ‌స్తున్నాయి. ఇందులో నాగ్ - నాని ఇద్ద‌రు న‌టిస్తున్నారు క‌దా మ‌రి దేవ‌దాస్ అని పెట్ట‌డం ఏంటి అనుకుంటున్నారా..? విష‌యం ఏంటంటే... ఒక‌రు దేవ అయితే మ‌రొక‌రు దాస్ అని టాక్ వినిపిస్తోంది. దేవ‌దాసు అనేది క్లాసిక్. మ‌రి.. ఈ సినిమాకి క్లాసిక్ టైటిల్ పెట్టేందుకు నాగ్ ఓకే చెబుతారో లేదో చూడాలి.