డైరక్టర్ సుందర్ సి హై బడ్జెట్ ఆఫర్‌ను వదులుకున్న ప్రిన్స్ మహేష్ బాబు...
టాలీవుడ్ సూపర్ స్టార్ మహేష్ బాబు ప్రస్తుతం తమిళ స్టార్ డైరెక్టర్ మురుగదాస్ దర్శకత్వంలో సినిమా చేస్తున్న విషయం తెలిసిందే. ప్రస్తుతం షూటింగ్ జరుపుకుంటున్న ఈ సినిమాను తెలుగు, తమిళ భాషల్లో ఒకేసారి తెరకెక్
టాలీవుడ్ సూపర్ స్టార్ మహేష్ బాబు ప్రస్తుతం తమిళ స్టార్ డైరెక్టర్ మురుగదాస్ దర్శకత్వంలో సినిమా చేస్తున్న విషయం తెలిసిందే. ప్రస్తుతం షూటింగ్ జరుపుకుంటున్న ఈ సినిమాను తెలుగు, తమిళ భాషల్లో ఒకేసారి తెరకెక్కిస్తున్నారు. మహేష్ సరసన రకుల్ ప్రీత్ సింగ్ హీరోయిన్ గా నటిస్తుండగా, తమిళ నటుడు, దర్శకుడు ఎస్ జె సూర్య విలన్ పాత్రలో అలరించనున్నాడు. తాజాగా ఈ సినిమాకు సంబందించిన మరో వార్త సూపర్ స్టార్ అభిమానులకు కిక్ ఇస్తోంది. ఇటీవల మహేష్ హీరోగా తెరకెక్కిన శ్రీమంతుడు, బ్రహ్మోత్సవం సినిమాలు తమిళనాట కూడా విడుదలై మంచి వసూళ్లను రాబట్టాయి.
అయితే ఈ రెండు సినిమాల తమిళ వర్షన్ లకు డబ్బింగ్ ఆర్టిస్ట్ తో మహేష్ పాత్రకు డబ్బింగ్ చెప్పించారు. కానీ మురుగదాస్ దర్శకత్వంలో తెరకెక్కనున్న సినిమాకు మాత్రం తమిళ వర్షన్ కు కూడా మహేష్ స్వయంగా డబ్బింగ్ చెప్పాలని భావిస్తున్నాడట. చెన్నైలోనే పుట్టి పెరిగిన ప్రిన్స్ తమిళంలో బాగా మాట్లాడగలడు. అందుకే మహేష్ సొంత గొంతుతో డబ్బింగ్ చెపితే సినిమాకు ప్లస్ అవుతుందని భావిస్తున్నారు. మహేష్ కెరీర్లోనే ఇప్పటివరకు ఎన్నడూ లేనంతగా భారీ బడ్జెట్‌తో ఈ చిత్రాన్ని ప్లాన్ చేస్తున్నారు. కాగా ఈ సినిమా కోసం మహేష్ రూ.30 కోట్ల పారితోషికాన్ని వదులుకున్నాడు.
అసలు విషయం ఏంటంటే... తమిళ నటుడు, దర్శకుడు సుందర్ సి దర్శకత్వంలో మహేష్ హీరోగా తెలుగు, తమిళ భాషల్లో ఓ సినిమా చేయాలనీ భావిస్తున్నాడట. ఆ సినిమాలో మహేష్ నటించేందుకు రూ.30 కోట్ల వరకు పారితోషికం ఇస్తానని అన్నారట. రెమ్యునరేషన్ భారీగా ఉన్నా కూడా మహేష్ కుదరదని చెప్పేశాడట. మహేష్‌తో పాటు తమిళ హీరో జయం రవిని కూడా ఈ సినిమాలో పెట్టి మల్టీస్టారర్‌గా ప్లాన్ చేశాడట సుందర్ సి. కానీ మహేష్ కాదనడంతో వెనక్కి తగ్గారు. మహేష్ కాదన్నాడు కాబట్టి మరో తెలుగు హీరో కోసం ప్రయత్నాలు చేస్తున్నారట. మొత్తానికి అలా ఓ భారీ ఆఫర్‌ను మహేష్ వదులుకోవడంతో పలువురు ఆశ్చర్యం వ్యక్తం చేస్తున్నారు.