మహాభారతం.. రాజమౌళి సినిమాలో అమీర్ ఖాన్ కృష్ణుడైతే.. మహేష్ బాబు..?

మహాభారతం.. రాజమౌళి కళల ప్రాజెక్టు. బాహుబలి అనుభవంతో రాజమౌళి మ‌హాభార‌తం తీస్తాడ‌నుకుంటే త‌న‌కు ఈ అనుభ‌వం స‌రిపోద‌ని జక్కన్న అంటున్నాడు. బాలీవుడ్ మిస్టర్ పర్ఫెక్షనిస్ట్ అమీర్ ఖాన్ మహాభారతం మీద ఆసక్తి ప్

మహాభారతం.. రాజమౌళి కళల ప్రాజెక్టు. బాహుబలి అనుభవంతో రాజమౌళి మ‌హాభార‌తం తీస్తాడ‌నుకుంటే త‌న‌కు ఈ అనుభ‌వం స‌రిపోద‌ని జక్కన్న అంటున్నాడు. బాలీవుడ్ మిస్టర్ పర్ఫెక్షనిస్ట్ అమీర్ ఖాన్ మహాభారతం మీద ఆసక్తి ప్రదర్శిస్తుండటం.. కృష్ణుడి పాత్ర చేయాలని ఉందని కూడా ప్రకటించడంతో రాజమౌళి ఇటీవలే అతడిని కలిసి ఈ సినిమా గురించి చర్చించాడట. స్వయంగా రాజమౌళే ఈ విషయాన్ని వెల్లడించాడు. తాను ఇటీవ‌ల అమీర్‌ఖాన్‌ను క‌లిసి మ‌హాభార‌తం గురించి చ‌ర్చించాన‌ని… మహాభారతంలో నటించడానికి అమీర్ చాలా ఉత్సాహంగా ఉన్నాడ‌ని రాజమౌళి తెలిపాడు.

ఇదిలా ఉంటే.. దుబాయ్ రియల్ ఎస్టేట్ వ్యాపారి బీఆర్ శెట్టి నిర్మాతగా రూ. 1000 కోట్ల భారీ బడ్జెట్ తో రూపొందనున్న 'మహాభారతం' చిత్రంలో శ్రీకృష్ణుడిగా టాలీవుడ్ ప్రిన్స్ మహేష్ బాబు నటించనున్నాడని వచ్చిన వార్తల్లో నిజం లేదని తేలింది. గత కొద్ది రోజులుగా సోషల్ మీడియాలో మహేష్ బాబే శ్రీకృష్ణుడని, చిత్ర నిర్మాతలు ఆయన్ను సంప్రదించారని వచ్చిన వార్తలు వైరల్ అయిన సంగతి తెలిసిందే. 

దీనిపై నిజానిజాలు తెలుసుకునేందుకు మహేష్ మేనేజర్‌ను వివరణ కోరగా, ఆయన ఈ వార్త పుకారేనని కొట్టిపారేశారు. ప్రస్తుతం మురుగదాస్ దర్శకత్వంలో 'స్పైడర్' చిత్రంతో మహేష్ బిజీగా ఉన్నారని, ఆ తరువాత కొరటాల శివ దర్శకత్వంలో ఓ సినిమాలో నటిస్తారని చెప్పారు. మహాభారతంలో మహేష్ బాబు నటించట్లేదని, అసలా ప్రతిపాదనే మహేష్ దగ్గరికి రాలేదని స్పష్టం చేశారు.