క్రియేటివ్ డైరెక్ట‌ర్ కృష్ణ‌వంశీ ఇటీవ‌ల కాలంలో తెర‌కెక్కించిన సినిమాలు ఫ్లాప్ అయ్యాయి. ఒక్క గోవిందుడు అంద‌రివాడేలే సినిమా త‌ప్ప. ఆ త‌ర్వాత కృష్ణ‌వంశీ ఎన్ని ప్ర‌య‌త్నాలు చేసినా ఫ‌లించ‌లేదు. దీంతో స‌రైన స‌క్స‌స్ సాధించాల‌ని గ‌త కొన్ని రోజులుగా ప్ర‌య‌త
క్రియేటివ్ డైరెక్ట‌ర్ కృష్ణ‌వంశీ ఇటీవ‌ల కాలంలో తెర‌కెక్కించిన సినిమాలు ఫ్లాప్ అయ్యాయి. ఒక్క గోవిందుడు అంద‌రివాడేలే సినిమా త‌ప్ప. ఆ త‌ర్వాత కృష్ణ‌వంశీ ఎన్ని ప్ర‌య‌త్నాలు చేసినా ఫ‌లించ‌లేదు. దీంతో స‌రైన స‌క్స‌స్ సాధించాల‌ని గ‌త కొన్ని రోజులుగా ప్ర‌య‌త్నాలు చేస్తూనే ఉన్నాడు కానీ సెట్ కావ‌డం లేదు. కొత్త కథల కోసం చూస్తున్న ఆయనను ఓ మరాఠీ సినిమా ఆక‌ట్టుకుంద‌ట. నట సామ్రాట్ టైటిల్‌తో ఆ భాషలో వచ్చిన మూవీని కృష్ణ వంశీ రీమేక్ చేయాల‌నుకుంటున్నాడ‌ని తెలిసింది.
ఈ సినిమాలో లీడ్ రోల్ తన క్లోజ్ ఫ్రెండ్ అయిన ప్రకాష్ రాజ్‌తో చేస్తే బాగుంటుందని భావించి ఆయనను కలిసి కథ కూడా వినిపించాడట. అయితే... ప్రకాష్ రాజ్ ఇంకా తన నిర్ణ‌యాన్ని చెప్ప‌లేద‌ట. నట సామ్రాట్‌లో నానా ప‌టేక‌ర్ న‌టించారు. ప్ర‌కాష్‌రాజ్ అయితే ఆ పాత్ర‌కు 100% న్యాయం చేస్తారు. అందులో ఎలాంటి సందేహం లేదు. మ‌రి.. ప్రకాష్ రాజ్ ఏం చెబుతారో..? కృష్ణ‌వంశీ చేయాల‌నుకుంటున్న ఈ ప్రాజెక్ట్ అయినా సెట్స్ పైకి వెళుతుందో లేదో చూడాలి.