రెమోకి నాతో బోర్ అనిపించినట్లుంది.. కొంత గ్యాప్ తర్వాత కలిసి నటిస్తా: కీర్తి సురేష్

శివకార్తికేయన్ - కీర్తి సురేష్ జంటగా ఇప్పటికే రజనీమురుగన్, రెమో చిత్రాలొచ్చాయ్. ఇక, వీరి కలయికలో హ్యాట్రిక్ చిత్రం ఎప్పుడని కీర్తి సురేష్‌ని అడిగితే...? ఆమె ఆసక్తికకరమైన సమాధానం ఇచ్చింది. శివకార్తికేయ

శివకార్తికేయన్ - కీర్తి సురేష్ జంటగా ఇప్పటికే రజనీమురుగన్, రెమో చిత్రాలొచ్చాయ్. ఇక, వీరి కలయికలో హ్యాట్రిక్ చిత్రం ఎప్పుడని కీర్తి సురేష్‌ని అడిగితే...? ఆమె ఆసక్తికకరమైన సమాధానం ఇచ్చింది. శివకార్తికేయన్‌కి నేను బోర్ కొట్టినట్టున్నాను. కొంత గ్యాప్ తర్వాత మళ్లీ కలసి నటిస్తామని సరదాగా చెప్పుకొచ్చింది. ఇక తెలుగులో నేచురల్ స్టార్ నానితో కలసి కీర్తి సురేష్ నటించిన 'నేను లోకల్' ఫిబ్రవరిలో ప్రేక్షకుల ముందుకు రానుంది.

కాగా టాలీవుడ్, కోలీవుడ్ లోనూ హీరోయిన్ కీర్తి సురేష్ హవా కొనసాగుతోంది. వరుసగా స్టార్ హీరోల సినిమాల్లో నటించబోతోంది. ఇందులో మహానటి 'సావిత్రి' లాంటి క్రేజీ ప్రాజెక్ట్ కూడా ఈమె లిస్టులో ఉంది. ఇప్పటికే టాలీవుడ్ టాప్ స్టార్స్ మహేష్, పవన్, అల్లు అర్జున్.. కీర్తిని బుక్ చేసుకొన్నారు. 2017లో కీర్తి సురేష్ కు ఉన్నంత డిమాండ్ మరే హీరోయిన్‌కి లేదు. ప్రస్తుతం తమిళ్ స్టార్ విజయ్‌తో కలసి కీర్తి నటించిన "భైరవ" గురువారం గ్రాండ్‌గా రిలీజైంది.