ఇటీవల ఆత్మహత్య చేసుకున్న బుల్లితెర నటుడు ప్రదీప్ కుమార్ విషాదకర ఘటనను మరచిపోకముందే.. మరో టీవీ నటుడు ఆత్మహత్యాయత్నానికి పాల్పడ్డాడు. ఇది బుల్లితెర రంగంలో పెను సంచలనంగా మారింది. ఆ నటుడు ఎవరో కాదు జబర్దస
ఇటీవల ఆత్మహత్య చేసుకున్న బుల్లితెర నటుడు ప్రదీప్ కుమార్ విషాదకర ఘటనను మరచిపోకముందే.. మరో టీవీ నటుడు ఆత్మహత్యాయత్నానికి పాల్పడ్డాడు. ఇది బుల్లితెర రంగంలో పెను సంచలనంగా మారింది. ఆ నటుడు ఎవరో కాదు జబర్దస్త్ వినోద్.
బుల్లితెర‌మీద తన లేడీ గెట‌ప్‌తో సంచ‌ల‌న విజ‌యాన్ని అందుకుని న‌వ్వుల‌తో హుషారెత్తించే ఈ క‌మెడియ‌న్... జబర్దస్త్ వినోద్ అంటే తెలియని వారుండరు. ఇత‌ను చేసే కామెడీకి బుల్లితెర ప్రేక్ష‌కులంద‌రూ పెద్ద ఎత్తున ఫ్యాన్స్‌గా మారారు. ఈ నేపథ్యంలో వినోద్ ఆత్మహత్యకు ప్రయత్నించడం ఇపుడు పెద్ చర్చనీయాంశంగా మారింది.
దీనికి కారణం ఎంటో తెలుసా? వినోద్‌కు ఆయన తల్లిదండ్రులు బలవంతపు పెళ్లి చేసేందుకు పూనుకోవడమేనట. కర్నూలు జిల్లాలోని సంజామల మండలం బొందలదిన్నెలోని ఓ చర్చిలో పెళ్లి చేసేందుకు యత్నించడంతో వినోద్ తన చేతిని గాయపర్చుకున్నాడు.
నిజానికి వినోద్ ఈ పెళ్లిని నిరాకరిస్తూనే ఉన్నప్పటికీ బలవంతంగా పెళ్లి చేసేందుకు అతని తల్లిదండ్రులు యత్నించారు. ఈ విషయం తెలుసుకున్న పోలీసులు వినోద్ పెళ్లిని నిలిపివేశారు. వినోద్ వాంగ్మూలం తీసుకున్న పోలీసులు కేసు నమోదు చేసి దర్యాప్తు చేస్తున్నారు. వినోద్ స్వస్థలం కడప కావడం గమనార్హం.