హైపర్ ఆదికి ఆ యాంకర్‌కి మధ్య?

జబర్దస్త్‌లో హైపర్ ఆదికి ఉన్న క్రేజ్ అంతా ఇంతా కాదు. ఆ ఎపిసోడ్ నుంచి తప్పుకున్నా సరే ఆదిని మాత్రం హైపర్ ఆది అని పిలుస్తుంటారు. పేరు అలాంటిది మరి. బుల్లితెరపై నవ్వులు పూయిస్తూ ఆ తరువాత వెండితెరపైన తన సత్తా చాటుకున్నాడు హైపర్ ఆది. ప్రస్తుతం సినిమాలు లేకపోయినా కొన్ని టివీ రియలిటీ షోలలో నటిస్తున్నాడు. 

అందులో ఢీ ఒకటి. అందులో ఉన్న యాంకర్ వర్షిణి, ఆదికి మధ్య ప్రేమాయణం నడుస్తోందని గతంలోనే పెద్ద ఎత్తున ప్రచారం సాగింది. ఈమధ్య వీరి మధ్య డైలాగులు అలాగే ఉన్నాయి. బావా వచ్చే సంవత్సరానికి పెద్ద ఇళ్లు, కారు ఉండాలి. అప్పుడే నేను నీతో మాట్లాడుతాను. ఇద్దరం కలుస్తాము కూడా అంటూ వర్షిణి డైలాగులు చెబుతోంది.

పంచ్ డైలాగులతో అలాగే లేవే వర్షిణి నువ్వు కావాలంటే నేను ఏదైనా చేస్తానుగా అంటూ ఆయన కూడా అదేస్థాయిలో డైలాగులను చెప్పేస్తున్నారు. అయితే ఇది షో వల్ల వచ్చే డైలాగులు కాదని.. ఇద్దరు కలిసి త్వరలో పెళ్లి చేసుకునే అవకాశం ఉందన్న ప్రచారం పెద్ద ఎత్తున సాగుతూ ఉంది. మరి చూడాలి, వీరు నిజంగానే పెళ్లి చేసుకుంటారా.. లేకుంటే బుల్లితెరపై డైలాగులతో సరిపెట్టుకుంటారో.