డేటింగ్‌లో నాకంత అనుభవం లేదు.. ఆర్యన్ గర్ల్‌ఫ్రెండ్‌ గురించి నాకేం తెలుసు : షారూక్ ఖాన్
బాలీవుడ్ అగ్రకథానాయకుడు షారుక్‌ ఖాన్ పెద్ద కుమారుడు ఆర్యన్ అమ్మాయిలతో ఉన్న ఫొటోలు ఇటీవల బాలీవుడ్‌లో హాల్‌చల్ సృష్టిస్తున్నాయి. ప్రస్తుతం ఈ ఫోటోలు సోషల్‌మీడియాలో చక్కర్లు కొట్టాయి. అయితే ఆర్యన్ గర్
బాలీవుడ్ అగ్రకథానాయకుడు షారుక్‌ ఖాన్ పెద్ద కుమారుడు ఆర్యన్ అమ్మాయిలతో ఉన్న ఫొటోలు ఇటీవల బాలీవుడ్‌లో హాల్‌చల్ సృష్టిస్తున్నాయి. ప్రస్తుతం ఈ ఫోటోలు సోషల్‌మీడియాలో చక్కర్లు కొట్టాయి. అయితే ఆర్యన్ గర్ల్‌ఫ్రెండ్స్‌ గురించి ఓ అభిమాని అడిగిన ప్రశ్నకు షారుక్‌ కూల్‌గా సమాధానం ఇచ్చారు.
కింగ్ ఖాన్ షారుక్‌ ఎప్పటిలాగే తన అభిమానులతో కలిసి కొంతసేపు ట్విట్టర్‌ వేదికగా ముచ్చటించారు. ఈ సందర్భంగా ఫ్యాన్స్‌ అడిగిన ప్రశ్నలకి షారుక్‌ తనదైన శైలిలో బదులిచ్చారు. ఆ సందర్భంగా ఓ అభిమాని ''షారుక్‌.. మీకు ఆర్యన్ గర్ల్‌ఫ్రెండ్స్‌ గురించి తెలుసా?'' అని ప్రశ్నించాడు. దీనికి షారుక్‌ ఏ మాత్రం తడుముకోకుండా కూల్‌గా సమాధానం ఇచ్చారు. ''మేము మా గర్ల్‌ఫ్రెండ్స్‌(విషయాలను)ని మా వరకే ఉంచుకుంటాం!'' అని ట్వీట్‌ చేశారు.
కుమారుడు ఆర్యన్ ఖాన్ గాళ్ ఫ్రెండ్స్ వివరాలు చెప్పమంటూ ఓ అభిమాని అడిగిన ప్రశ్నకు 'చెప్పను' అనే అర్థం స్ఫురించేలా తనదైనశైలిలో స్పందించాడు. అంతేకాదు డేటింగ్ పైనా ఓ ఫ్యాన్ అడిగిన ప్రశ్నకు, అలాంటి విషయాల్లో నాకంత అనుభవం లేదంటూ కింగ్ ఖాన్ బదులిచ్చాడు. అమ్మాయిల విషయంలో నేను కాస్త బలహీనుణ్ణి అంటూ కామెంట్ చేశాడు. అభిమానుల ప్రశ్నలకు బాలీవుడ్ బాద్షా హ్యూమరస్‌గా స్పందించడం అందరినీ ఆకట్టుకుంది.