నందమూరి నట సింహం బాలకృష్ణ.. ఊర మాస్ డైరెక్టరు బోయపాటితో సినిమా చేస్తున్న విషయం తెలిసిందే. ఇటీవల రిలీజ్ చేసిన ఈ మూవీ ఫస్ట్ లుక్ అండ్ టీజర్‌కు అనూహ్యమైన స్పందన లభించింది. దీంతో ఈ సినిమాపై ఇప్పటివరకు ఉన్న అంచనాలు రెట్టింపు అయ్యాయని చెప్పచ్చు. ఈ సినిమా ఎలా ఉంటుందో టీజరుతో రుచి చూపించారు బోయపాటి. "జయ జానకి నాయక" చిత్ర నిర్మాత మిర్యాల రవీంద్ రెడ్డి ఈ సినిమాని నిర్మిస్తున్నారు. అయితే... ఈ మూవీ షూటింగ్ స్టార్ట్ అయ్యింది. టీజర్ రిలీజ్ అయ్యింది కానీ.. హీరోయిన్ ఎవరు అనేది ఇప్పటి వరకు అఫిషియల్‌గా ఎనౌన్స్ చేయలేదు.
తాజా వార్త ఏంటంటే... ఈ సినిమాలో బాలయ్య సరసన బన్నీ హీరోయిన్ నటించనున్నట్టు తెలిసింది. ఇంతకీ ఎవరా బన్నీ హీరోయిన్ అంటారా...? బన్నీతో కలిసి ఇద్దరమ్మాయిలతో సినిమాలో నటించిన అమలాపాల్. ఈ మూవీలో తన అందం, అభినయంతో ఆకట్టుకుని మంచి గుర్తింపు తెచ్చుకుంది.
ఆ తర్వాత బెజవాడ, నాయక్ అనే సినిమాల్లో నటించినప్పటికీ.. ఆశించిన స్ధాయిలో క్రేజ్ రాలేదు. ఇటీవల ఆమె సినిమాతో ప్రేక్షకుల ముందుకు వచ్చింది. నటిగా మంచి పేరు తెచ్చుకుంది. ఇప్పుడు బాలయ్యతో నటించే ఛాన్స్ దక్కించుకుంది అంటున్నారు. ఇదే కనుక నిజమైతే... ఈ అమ్మడుకి బంపర్ ఆఫరే...!