శ్రీనిధిని పెళ్లి చేసుకోనున్న విక్రమ్ కుమార్

''మనం'', ''24'' వంటి చిత్రాలతో తనకంటూ ఓ భిన్నమైన టాప్ డైరెక్టర్ ఇమేజ్ క్రియేట్ చేసుకున్న విక్రమ్ కుమార్ త్వరలోనే ఓ ఇంటివాడు కాబోతున్నాడు. ఓ అమ్మాయిని చూసి వలచి, పెళ్లి చేసుకోవాలని డిసైడ్ అయిపోయాడు. ఆ

''మనం'', ''24'' వంటి చిత్రాలతో తనకంటూ ఓ భిన్నమైన టాప్ డైరెక్టర్ ఇమేజ్ క్రియేట్ చేసుకున్న విక్రమ్ కుమార్ త్వరలోనే ఓ ఇంటివాడు కాబోతున్నాడు. ఓ అమ్మాయిని చూసి వలచి, పెళ్లి చేసుకోవాలని డిసైడ్ అయిపోయాడు. ఆ అమ్మాయి ఎవరో కాదు. మ్యూజిక్ డైరెక్టర్ రెహమాన్ దగ్గర పనిచేసే సౌండ్ ఇంజనీర్ శ్రీనిధి.

''24'' సినిమా కోసం ఏ.ఆర్.రెహ్మాన్ దగ్గర మ్యూజిక్ చేయించుకునే క్రమంలో శ్రీనిధితో విక్రమ్‌కి పరిచయం ఏర్పడింది. ఆ పరిచయం కాస్త ప్రేమగా మారింది. దీంతో వీరిద్దరు కలిసి జీవించాలని డిసైడ్ అయిపోయారు. దాంతో ఇరుకుటుంబాల వారు ఓకె చెప్పడంతో ఈ జంటకు నిశ్చితార్థం కూడా జరిగిపోయింది. జూన్‌లో విక్రమ్, శ్రీనిధిల ఎంగేజ్‌మెంట్ జరుగగా తాజాగా కుటుంబసభ్యులు పెళ్ళి డేట్ కూడా ఫిక్స్ చేసారు. సెప్టెంబర్ 4న వివాహం కాబోతుంది. 

వెడ్డింగ్ కార్డ్స్ పంపకాలు కూడా అయిపోయింది. ఇప్పటికే టాలీవుడ్‌కు చెందిన పలువురు ప్రముఖులకు ఆహ్వానాలు అందించాడు విక్రమ్. చెన్నైలోని హిల్టన్ హోటల్‌లో వీరి వివాహ వేడుక అంగరంగ వైభవంగా జరగనుంది. కాగా ఈ వివాహ వేడుకకి బాలీవుడ్, కోలీవుడ్, టాలీవుడ్ నుండి పలువురు ప్రముఖులు హాజరుకానున్నట్టు సినీవర్గాలు అంటున్నాయి.