హాలీవుడ్‌ చిత్రంలో నటించడం ప్రత్యేక అనుభూతినిచ్చింది : దీపికా పదుకొణె

దీపికా పదుకొణె నటించిన హాలీవుడ్‌ చిత్రం ''ట్రిప్లెక్స్‌: ది రిటర్న్‌ ఆఫ్‌ జాండర్‌ కేజ్'' ట్రైలర్‌కు ఇప్పటికే మంచి స్పందన లభిస్తోంది. దీని గురించి దీపికా స్పందించింది. ''ప్రపంచం కొత్త టాలెంట్‌ను కోరుకు

దీపికా పదుకొణె నటించిన హాలీవుడ్‌ చిత్రం ''ట్రిప్లెక్స్‌: ది రిటర్న్‌ ఆఫ్‌ జాండర్‌ కేజ్'' ట్రైలర్‌కు ఇప్పటికే మంచి స్పందన లభిస్తోంది. దీని గురించి దీపికా స్పందించింది. ''ప్రపంచం కొత్త టాలెంట్‌ను కోరుకుంటోంది. సినిమాలోని ఓ పాత్రకు ఫలానా నటుడు లేదా నటి సరిపోతారో లేదో చూస్తున్నారంతే. అందుకే మంచి నటులు వెండితెరకొస్తున్నారు'' అని చెప్పింది. తన హాలీవుడ్‌ ప్రయాణం అంత సులువుగా ఏమీ మొదలుకాలేదని చెబుతోంది దీపిక. 

''ఇదే నా తొలి హాలీవుడ్‌ పిలుపు కాదు... దీనికంటే ముందే రెండు మూడు అవకాశాలు వచ్చాయి. కానీ అవేవీ నాకు సరిపోవనిపించింది. అందుకే వదిలేశాను. ఎంత మంచి ప్రాజెక్టు అయినా నా మనసు అంగీకరిస్తేనే ఒప్పుకుంటాను. లేదంటే నిర్మొహమాటంగా నటించనని చెప్పేస్తాను. నేను నటించే పాత్ర ముందు నాలో ఆత్రుత కలిగించాలి. లేదంటే పాత్రలో నటించినా పెద్దగా ఉపయోగం ఉండదు'' అని చెప్పింది దీపికా పదుకొణె. 

అంతేకాదు.. హాలీవుడ్‌లో నటించేందుకు చాలా భయపడిందట దీపిక. ఇప్పుడు మాత్రం ఇది హాలీవుడ్‌ చిత్రం అయినప్పటికీ భారతీయ సినిమా చూసినట్టే ఉంటుందని ఆనందం వ్యక్తంచేసింది. ఈ సినిమాలో నటించేందుకు హాలీవుడ్‌ వెళ్లిన తొలినాళ్లలో చాలా చాలా భయపడ్డాను. అక్కడి వాతావరణం కొత్త. నటీనటులతో గానీ.. చిత్ర బృందంతోగానీ గతంలో కలిసి పనిచేసిన అనుభవం లేదు. కొన్ని రోజుల్లోనే వారితో సాన్నిహిత్యం ఏర్పడింది... వారితో తొందరగా కలిసిపోయా. తర్వాత చాలా సౌకర్యంగా అనిపించింది. ఈ సినిమా నాకు మంచి అనుభూతినిచ్చిందని తన మనసులోని మాటను తెలియజేసింది.