చిరంజీవితో సోషియో ఫాంటసీ చిత్రంలో అనుష్క?

"సూపర్" సినిమాతో టాలీవుడ్‌లోకి అడుగుపెట్టిన అనుష్క "బాహుబలి"తో పాన్ ఇండియా స్టార్‌గా మారిపోయింది. ఈ మధ్య కాలంలో గ్లామర్ పాత్రలను పక్కన పెట్టి హీరోయిన్ ఓరియెంటెడ్ చిత్రాలపై దృష్టి సారించింది. ఆ తర్వాత "నిశ్శబ్దం" సినిమా వచ్చి రెండేళ్లు గడిచినా మళ్లీ కనిపించలేదు. తాజాగా ఈ బ్యూటీ ప్రస్తుతం ఫిట్‌నెస్‌పై ఫోకస్ చేసి సన్నబడుతోందని టాక్. 

తెలుగు చిత్ర పరిశ్రమలో ఎవర్‌గ్రీన్ క్లాసిక్స్‌లో ఒకటిగా నిలిచిన "జగదేక వీరుడు అతిలోక సుందరి" లాంటి మరో ఫాంటసీ ఎంటర్‌టైనర్‌లో చిరంజీవిని చూడాలని అభిమానులు ఎప్పటి నుంచో ఎదురుచూస్తున్నారు. మెగాస్టార్ చిరంజీవి చాలా కాలం తర్వాత ఓ ఫాంటసీ సినిమాకు సంతకం చేశారు. ఇందులో అనుష్క శెట్టి చిరంజీవితో నటించనుందని టాక్ వస్తోంది.