ప్రస్తుతం తెలుగు స్టార్‌ హీరోల రెమ్యునరేషన్ ఆకాశాన్ని తాకుతోంది. యువ‌ర‌త్న నంద‌మూరి బాలకృష్ణ కేరీర్‌లో ప్ర‌తిష్టాత్మ‌కంగా తెర‌కెక్కుతున్న గౌతమీపుత్ర శాత‌క‌ర్ణి సినిమాకుగాను బాలయ్య తన కేరీర్‌లోనే అత్యధిక రెమ్యునరేషన్ తీసుకుంటున్న‌ట్టు సమాచారం. ఈ సినిమా కోసం బాలకృష్ణ తీసుకుంటున్నది దాదాపు ఎనిమిది కోట్ల రూపాయలట. బాలయ్య ఈ మొత్తాన్ని క్యాష్ రూపంలోనే తీసుకుంటున్నార‌ట.
చారిత్రక నేపథ్యం కావడం వలన, భారీ బడ్జెట్‌తో ఈ సినిమాను రూపొందిస్తున్నారు. దీంతో ఈ సినిమాకి బాలకృష్ణకి 10 కోట్లను పారితోషికంగా ఇవ్వడానికి నిర్మాతలు ముందుకు వచ్చారట. కానీ ఈ సినిమాకి భారీ స్థాయిలో ఖర్చు అవుతుందని తెలిసిన బాలకృష్ణ, కావాలనే తన పారితోషికంలో రూ.2 కోట్లను తగ్గించుకుని తీసుకున్నారట. అలా రూ.2 కోట్లను తగ్గించుకోవడం అన్నది బాలయ్యకే చెల్లిందని టాలీవుడ్ వర్గాలు అంటున్నాయి.
ఇదిలావుంటే... ఈ సినిమా థియేట్రికల్ రైట్స్.. డబ్బింగ్.. ఆడియో.. శాటిలైట్ రైట్స్ కలుపుకుని 70 కోట్ల వరకూ బిజినెస్ చేసింది. దాదాపు షూటింగ్ పూర్తి చేసుకున్న ఈ చిత్రం సంక్రాంతి కానుకగా విడుదల కానుంది.