ప్లీజ్.. ఆ ఒక్కటీ అడక్కండి.. కాస్త అర్థం చేసుకోండి... : హీరో ప్రభాస్

'బాహుబలి' చిత్రంతో జాతీయ స్థాయి హీరోగా మారిన ప్రభాస్‌ ఎక్కడకు వెళ్లినా ఓ ప్రశ్న తీవ్రంగా ఇబ్బంది పెడుతోంది. బాహుబలి చిత్రం తర్వాత ఆయన నటిస్తున్న చిత్రం "సాహో". దాదాపు రూ.150 కోట్ల బడ్జెట్‌‌తో ఈ చిత్రా

'బాహుబలి' చిత్రంతో జాతీయ స్థాయి హీరోగా మారిన ప్రభాస్‌ ఎక్కడకు వెళ్లినా ఓ ప్రశ్న తీవ్రంగా ఇబ్బంది పెడుతోంది. బాహుబలి చిత్రం తర్వాత ఆయన నటిస్తున్న చిత్రం "సాహో". దాదాపు రూ.150 కోట్ల బడ్జెట్‌‌తో ఈ చిత్రాన్ని నిర్మిస్తున్నారు. ఈ నేపథ్యంలో ప్రభాస్ ఇటీవల జాతీయ మీడియాతో ముచ్చటించారు. తాను ప్రస్తుతం హిందీ భాష నేర్చుకోవడంలో బిజీగా ఉన్నానని తెలిపారు. పెళ్లి, సినిమా కెరియర్, సాహోలోని కో-స్టార్ శ్రద్ధా కపూర్ గురించిన పలు ఆసక్తికర విషయాలను ప్రభాస్ వెల్లడించారు.

పెళ్లి గురించి ఓ విలేకరి అడిగిన ప్రశ్నకు ప్రభాస్ రాజు సమాధానమిస్తూ... తన వ్యక్తిగత జీవితాన్ని బహిరంగపరచడం నాకు ఇష్టం ఉండదు. చాలామంది నాకు అఫైర్లు ఉన్నాయంటూ, పెళ్లి ఎప్పడు చేసుకుంటారని తరచూ అడుగుతూ ఉంటారు. అలాంటివారు నన్ను కాస్త అర్థం చేసుకోవాలి. ఇలా పెళ్లి, ప్రేమ గురించి తరచూ అడగడం కృత్రిమంగా అనిపిస్తుంది. నా వ్యక్తిగత, ఇంటి వ్యవహారాలు నాకే పరిమితం కావాలనుకుంటాను. అయితే పెళ్లి చేసుకుంటే అందరితో చెప్పే చేసుకుంటాను అంటు ముక్కుసూటిగా సమాధానమిచ్చాడు. 

ఇకపోతే.. ‘సాహో’ చిత్రం కోసం హిందీ నేర్చుకుంటున్నాను. ఈ చిత్ర హీరోయిన్ శ్రద్ధాదాస్ కంటే మా రైటర్ నాకు హిందీ బాగా నేర్పిస్తున్నారు. ఈ సినిమా చేస్తుంటే హిందీ తప్పనిసరిగా నేర్చుకోవాలనిపిస్తోంది. శ్రద్ధాను కలిసిన ప్రతీసారీ హిందీలో మాట్లాడేందుకు ప్రయత్నిస్తుంటాను. నేను మాట్లాడే హిందీని విని ఆమె ఇంగ్లీషులో మాట్లాడటం ప్రారంభిస్తుంది. అప్పుడు నేను శ్రద్ధాతో హిందీలోనే మాట్లాడమని చెబుతుంటాను అంటూ చమత్కరించారు.