సాహో హీరోయిన్ అనుష్కే నట..రమేష్ బాలా ట్వీట్ నిజమే చెబుతోందా?

ఒక దేవసేన, ఒక అమరేంద్ర బాహుబలి.. ఈ జంట ఇప్పుడు భారతదేశంలో అత్యంత విజయవంతమైన జంట. ఒక జీవితకాలానికి సరిపడ చిరకీర్తిని ఈ రెండు పాత్రలూ ఆర్జించుకున్నాయి. ఇప్పటికీ బాహుబలి హ్యాంగోవర్ నుంచి బయటపడని ఈ జంట మళ

ఒక దేవసేన, ఒక అమరేంద్ర బాహుబలి.. ఈ జంట ఇప్పుడు భారతదేశంలో అత్యంత విజయవంతమైన జంట. ఒక జీవితకాలానికి సరిపడ చిరకీర్తిని ఈ రెండు పాత్రలూ ఆర్జించుకున్నాయి. ఇప్పటికీ బాహుబలి హ్యాంగోవర్ నుంచి బయటపడని ఈ జంట మళ్లీ మరో సినిమాలో జత కట్టడానికి సిద్ధమైపోయారని వార్తలు. తమిళ చిత్ర విశ్లేషకుడైన రమేష్ బాలా ట్వీట్ సాక్షిగా వీరిరువురు సాహోలో జంటగా నటిస్తున్నారని తెలుస్తోంది.

ప్రభాస్-అనుష్క జంట తెలుగు వెండితెర మీద ఎవర్‌గ్రీన్ జంటగా పేరు తెచ్చుకుంది. బాహుబలితో భారీ విజయాలను అందుకున్న ఈ జంట తాజాగా మరో సినిమాలో అలరించబోతోంది. యువ దర్శకుడు సుజీత్ డైరెక్షన్‌లో ప్రభాస్ సాహో సినిమా చేస్తున్న విషయం తెలిసిందే. టీజర్‌తోనే అంచనాలు పెంచేసిన ఈ సినిమాలో హీరోయిన్ ఎవరనే విషయంపై ఇప్పటివరకు ఎలాంటి క్లారిటీ లేదు.

దీపికా పదుకునే, కత్రినా కైఫ్, అనుష్క.. ఇలా పలువురి పేర్లు వినిపించినా చిత్ర యూనిట్ అయితే ఇప్పటి వరకు ఎవరినీ నిర్ధారించలేదు. తాజాగా తమిళ సినీ విశ్లేషకుడైన రమేష్ బాలా సాహో చిత్రంలో హీరోయిన్‌గా అనుష్కను తీసుకున్నట్లు ట్వీట్ చేశారు. కాగా, తెలుగు, తమిళ, హిందీ భాషల్లో  సాహో తెరకెక్కుతోంది. అయితే ఈ విషయంపై మూవీ టీం నుంచి ఎలాంటి అధికారిక ప్రకటన వెలువడలేదు.