''భాగమతి'' చారిత్రక కథాంశం కాదు.. అనుష్క ఖాతాలో మరో అరుంధతి అవుతుందా?

''అరుంధతి'', ''బాహుబలి'', ''రుద్రమదేవి'' లాంటి సినిమాల్లో నటించిన అనుష్క త్వరలో ''భాగమతి'' సినిమాలో లీడ్ రోల్ లో నటించనుంది. అయితే కేవలం టైటిల్ మాత్రమే ఎనౌన్స్ చేసిన ఈ సినిమా హైదరాబాద్ నిర్మాణానికి కా

''అరుంధతి'', ''బాహుబలి'', ''రుద్రమదేవి'' లాంటి సినిమాల్లో నటించిన అనుష్క త్వరలో ''భాగమతి'' సినిమాలో లీడ్ రోల్లో నటించనుంది. అయితే కేవలం టైటిల్ మాత్రమే ఎనౌన్స్ చేసిన ఈ సినిమా హైదరాబాద్ నిర్మాణానికి కారణమైన చారిత్రక పాత్ర భాగమతి జీవిత కథ అన్న ప్రచారం జరిగింది. ఇప్పటికే జానపద, చారిత్రక పాత్రల్లో నటించిన అనుష్క లీడ్ రోల్లో నటిస్తుండటంతో ఈ ప్రచారానికి మరింత బలం చేకూరింది.

భాగమతి పేరుతో తెరకెక్కుతున్న ఈ సినిమా చారిత్రక కథాంశం కాదంటూ ప్రకటించాడు అశోక్. పిల్ల జమీందార్ సినిమాతో దర్శకుడిగా ఎంట్రీ ఇచ్చిన అశోక్ తొలి సినిమాతోనే మంచి విజయం సాధించాడు. ఆ తరువాత లాంగ్ గ్యాప్ తీసుకొని ప్రస్తుతం ''భాగమతి'' సినిమాతో ఆడియన్స్ ముందుకు వచ్చే ప్రయత్నం చేస్తున్నాడు. ప్రస్తుతం ఈ సినిమా షూటింగ్ శరవేగంగా జరుపుకుంటోంది. 

ఇటీవలే ఫస్ట్ షెడ్యూల్ పూర్తిచేసుకున్న ఈ సినిమా, రెండవ షెడ్యూల్‌కి రెడీ అవుతోంది. దసరా పండుగ తరువాత హైదరాబాద్‌లోని ఒక స్టూడియోలో ఈ షెడ్యూల్ జరగనుంది. ఇక్కడ వేసిన ప్రత్యేకమైన సెట్స్‌లో సినిమా పూర్తయ్యేంత వరకూ షూటింగ్ కొనసాగుతుంది. తెలుగులో ఈ సినిమాను యూవీ క్రియేషన్స్ వారు నిర్మిస్తుండగా, తమిళంలో జ్ఞానవేల్ రాజా నిర్మాతగా వ్యవహరిస్తున్నాడు. అనుష్క ఖాతాలో 'అరుంధతి' .. 'రుద్రమదేవి' వంటి భారీ హిట్స్ ఉండటంతో, సహజంగానే 'భాగమతి'పై భారీ అంచనాలు వున్నాయి.