భోళా శంకర్‌తో మెగాస్టార్ చిరంజీవిని డైరెక్ట్ చేసే సువర్ణావకాశం మెహర్ రమేష్‌కి వచ్చింది. అయితే ఈ సినిమా కమర్షియల్‌గా బాక్సాఫీస్‌ వద్ద ఫ్లాప్‌గా మారడంతో ఆ ఛాన్స్‌ను సరిగ్గా వినియోగించుకోలేదు. తాజాగా ఆయన ఓ ఇంటర్వ్యూ ఇస్తూ పలు ఆసక్తికర విషయాలను వెల్లడించారు.
పవర్ స్టార్ పవన్ కళ్యాణ్ కోసం ఏదో ఒకరోజు సినిమా డైరెక్ట్ చేస్తానని మెహర్ రమేష్ అన్నారు. స్క్రిప్ట్ సిద్ధంగా ఉంది. మెహర్ రమేష్‌కు పెద్ద పెద్ద స్టార్లతో సినిమాలు చేసే అవకాశాలు వస్తున్నాయి. అయితే అవన్నీ పెద్ద ఫ్లాప్‌లుగా మారాయి. మరి ఇప్పుడు మెహర్ రమేష్‌కి ఏ హీరో డైరెక్షన్ లో ఛాన్స్ ఇస్తాడో చూడాలి.
పదేళ్ల క్రితం మెహర్ రమేష్ వెంకటేష్‌తో షాడో సినిమా చేసి డిజాస్టర్‌ను ఎదుర్కొన్నాడు. ఆ తర్వాత సినిమాలు చేయలేదు. సినిమాలు చేసే అవకాశాలు రాలేదు అని చెప్పొచ్చు.
భోళా శంకర్‌తో మరోసారి భారీ డిజాస్టర్‌ని ఎదుర్కొన్నాడు. బిల్లా లాంటి అద్భుతమైన సినిమాను తెరకెక్కించిన మెహర్ మళ్లీ అలాంటి క్రియేటివిటీని చూపించలేకపోయాడు.