టాలీవుడ్‌కు కొత్తగా వచ్చిన కుర్రకారు హీరోయిన్లలో రెజీనా ఒకరు. ఈ మధ్యకాలంలో ఈ అమ్మడు వేసే డ్రస్‌లు చాలా బాగున్నాయంటూ కామెంట్స్ వస్తన్నాయి. ముఖ్యంగా.. రవితేజలో కలిసి పవర్ చిత్రంలో నటించింది. ఇందులో ఈమె చేసిన పాత్ర కంటే.. వేసిన డ్రెస్‌లు అదరహో అనిపించాయి. ఆ డ్రెస్సింగ్‌లో కిటుకు ఏంటో చెప్పాలని రెజీనాను అడిగితే నోరు విప్పింది.
ఇప్పుడు నేను ఎక్కువగా వాట్సాప్‌పై ఆధారపడుతున్నాను. షూటింగ్ స్పాట్‌లో 'ఈ సీన్‌లో మీ డ్రెస్ ఇదే' అని చెప్పగానే, వెంటనే దానిని ఫోటో తీసి వాట్సప్‍‌లో అప్‌లోడ్ చేసి, ఫ్రెండ్స్‌ని సలహా అడుగుతాను. వాళ్లలో ఎక్కువ మంది బాగుందంటే ఓకే చెప్పేస్తాను. లేదంటే మార్చమంటాను. అలా డ్రెస్సింగ్ ఎంచుకుంటున్నాను అంటూ అమ్మడు అసలు విషయాన్ని చెప్పింది. అందువల్ల ఆ డ్రెస్సింగ్ క్రెడిట్ అంతా వాట్సాప్ దే... అని అంటోంది.