సినిమా వాళ్లంటే అసలే పిల్లనివ్వట్లేదంటున్న హీరో ఎవరు?
సాధారణంగా సినీ ఇండస్ట్రీలో హీరోగా పని చేసే వారికి అమ్మాయిలను ఇచ్చేందుకు ప్రతి ఒక్కరూ పోటీ పడుతుంటారు. కానీ, టాలీవుడ్‌కు చెందిన ఓ హీరోకు మాత్రం ఆయన అమ్మాయిని ఇచ్చేందుకు ఎవరూ ముందుకు రావడం లేదట. ఆ హీరో
సాధారణంగా సినీ ఇండస్ట్రీలో హీరోగా పని చేసే వారికి అమ్మాయిలను ఇచ్చేందుకు ప్రతి ఒక్కరూ పోటీ పడుతుంటారు. కానీ, టాలీవుడ్‌కు చెందిన ఓ హీరోకు మాత్రం ఆయన అమ్మాయిని ఇచ్చేందుకు ఎవరూ ముందుకు రావడం లేదట. ఆ హీరో ఎవరో కాదు.. ఆది పనిశెట్టి. ఆయన కథానాయకుడిగా తెరకెక్కిన 'మరకతమణి' ఇటీవల విడుదలైంది. ఈ నేపథ్యంలో ఆదివారం ఆది విలేకర్లతో మాట్లాడారు.
'ఆరు పాటలు, మూడు ఫైట్లు, కొన్ని గ్లామర్‌ సీన్లు ఉంటే సినిమా చూడాలని ప్రేక్షకులు అనుకోవట్లేదు. కొత్తదనం కోరుకుంటున్నారు. అది అందించే ప్రయత్నం చేస్తున్నా. ప్రస్తుతం పవన్‌ కల్యాణ్‌ సినిమాలో ఆ తరహా ఐడియాలజీ ఉన్న పాత్ర చేస్తున్నా. అది ఎలా ఉంటుందన్నది తెరపైనే చూడాలి' అని చెప్పారు.
డిఫరెంట్‌ జోనర్‌ సినిమాలు చేస్తేనే కిక్కు ఉంటుంది. నా దగ్గరకి వచ్చేవన్నీ కొత్త కథలే. ‘సరైనోడు’కి, ఈ సినిమాకు సంబంధమే ఉండదు. దీని తర్వాత వచ్చే సినిమా ఇంకా డిఫరెంట్‌గా ఉంటుంది. నేను చేసే కథలతో కోట్లు ఇచ్చిన రాని సంతృప్తి కలుగుతుంది. ప్రస్తుతం చేస్తున్న ‘రంగస్థలం’ హార్ట్‌ టచింగ్‌ సినిమా. ఆ సెట్‌కి వెళ్తుంటే 1985లో మా తాత ఇంటికి వెళ్తున్న ఫీలింగ్‌ కలుగుతుందన్నారు.
ఈ యేడాది పెళ్లి చేసుకుని ఆ బ్యూటీఫుల్‌ జైల్‌ (లైఫ్)లోకి వెళ్లాలనుకుంటున్నా. ఫ్రాంక్‌గా, ప్లెయిన్‌గా ఉండే అమ్మాయి రావాలని కోరుకుంటున్నా. అస్సలు... సినిమా వాళ్లంటే పిల్లల్ని ఇవ్వట్లేదు. ప్రేమ కూడా ఉంటే అసలు రారు. హీరోగా కాకుండా నన్ను నన్నుగా ఇష్టపడే వ్యక్తి తారసపడితే ఆలోచిస్తానని ఈ యువ హీరో చెపుతున్నారు.