రజినీకాంత్ కబాలీలో 52 తప్పులు.. వీడియోను రిలీజ్ చేసిన డ్రీమ్ హౌజ్
తమిళ సూపర్‌స్టార్ రజినీకాంత్ నటించిన చిత్రం కబాలి ప్రపంచవ్యాప్తంగా ఎటువంటి రికార్డ్స్ నమోదు చేసిందో అందరికీ తెలిసిందే. ఇప్పటివరకు ఉన్న రికార్డులను తిరగరాస్తూ కబాలి కేవలం ఫస్ట్ వీకెండ్‌లోనే తన సత్తా చా
తమిళ సూపర్‌స్టార్ రజినీకాంత్ నటించిన చిత్రం కబాలి ప్రపంచవ్యాప్తంగా ఎటువంటి రికార్డ్స్ నమోదు చేసిందో అందరికీ తెలిసిందే. ఇప్పటివరకు ఉన్న రికార్డులను తిరగరాస్తూ కబాలి కేవలం ఫస్ట్ వీకెండ్‌లోనే తన సత్తా చాటుకున్నాడు. ఇదంతా కేవలం ఒక్క రజినీ మేనియాతోనే సాధ్యం అయ్యింది. మరోవైపు సినిమా సక్సెస్ కావడంతో అటు తలైవా ఫ్యాన్స్ దగ్గర్నుండి సూపర్‌స్టార్ రజినీ వరకు అందరూ ఆనందం వ్యక్తం చేశారు.
గ్యాంగ్‌స్టర్ పాత్రలో రజినీకాంత్ నటించి మెప్పించిన చిత్రంగా కబాలి రికార్డు సృష్టించింది. ఎన్నో అంచనాల మధ్య విడుదలైన ఈ చిత్రం ప్రపంచం మొత్తాన్ని ఒక్కసారి తన వైపుకు తిప్పుకుంది. ఫ్యాన్స్, క్రిటిక్స్ ఈ సినిమాపై ప్రశంసలు కురిపించారు. ప్రపంచ వ్యాప్తంగా విడుదలైన ఈ చిత్రం అన్ని వర్గాల ప్రేక్షకులని అలరించింది. వయసు మళ్లిన డాన్ పాత్రలో రజినీకాంత్ అద్భుతమైన నటనను కనబరిచారు. 65 ఏళ్ల వయసులోనూ తనలో ఏ మాత్రం జోరు తగ్గలేదని నిరూపించారు.
పా.రంజిత్ టేకింగ్ కూడా సినిమాకు చాలా ప్లస్ అయింది. అయితే తాజాగా ఈ చిత్రంలో 52 తప్పులు ఉన్నాయని డ్రీమ్ హౌజ్ ఎంటర్‌టైన్మెంట్స్ ఓ వీడియో విడుదల చేసింది. ఈ వీడియో కేవలం ఎంటర్టైన్‌మెంట్ కోసం చేసిందే తప్ప మూవీని కించపరచాలనే ఉద్దేశంతో కాదని అంటున్నారు. ఇక రోబో 2.0 సినిమాపై ఇప్పటినుంచే భారీ అంచనాలు నెలకొల్పిన రజినీ, ఫ్యాన్స్‌కు కబాలిని మించి అదిరిపోయే షాక్ ఇవ్వనున్నట్లు కోలీవుడ్ వర్గాల సమాచారం.