రజినీకాంత్ రోబో 2.0 చిత్రం అమీ జాక్సన్... చెన్నైలో షూటింగ్ ప్రారంభం

ప్రముఖ దర్శకుడు శంకర్ ప్రతిష్టాత్మక "రోబో '2.0'" సినిమాను తెరకెక్కిస్తున్న సంగతి తెలిసిందే. అంతర్జాతీయ ప్రమాణాలతో రూపుదిదిద్దుకున్న ఈ సినిమాలో నటీనటుల వివరాలలో అందరికంటే ఎక్కువ ఆశ్చర్యపరిచిన పేరు హీరో

ప్రముఖ దర్శకుడు శంకర్ ప్రతిష్టాత్మక "రోబో '2.0'" సినిమాను తెరకెక్కిస్తున్న సంగతి తెలిసిందే. అంతర్జాతీయ ప్రమాణాలతో రూపుదిదిద్దుకున్న ఈ సినిమాలో నటీనటుల వివరాలలో అందరికంటే ఎక్కువ ఆశ్చర్యపరిచిన పేరు హీరోయిన్ అమీ జాక్సన్ ది. ఐ సినిమా నిరాశపరిచినా శంకర్ మరోసారి ఆమెనే నమ్మడం ఆశ్చర్యంకలిగించే అంశమే. అయితే తన ఒంపుసొంపులతో అమీ ఇప్పటికే అభిమానులను ఆకట్టుకుంది. 

అక్షయ్ కుమార్ విలన్‌గా చేస్తున్న ఈ చిత్రం షూటింగ్ ప్రస్తుతం ఇవిపి ఫిల్మ్ సిటీ, చెన్నైలో జరుగుతోంది. ఇక్కడ భారీగా వేసిన సెట్‌లో షూటింగ్ చేస్తున్నారు. 'రోబో 2.0' సినిమాకి సంబంధించిన మేజర్ షెడ్యూల్ షూటింగ్ పూర్తి కాగానే రజినీ అనారోగ్యానికి గురయ్యారు. దాంతో తదుపరి షెడ్యూల్‌ను మొదలుపెట్టడానికి ఆలస్యమైంది. పరిస్థితులన్నీ అనుకూలించడంతో ఈ సినిమా తాజా షెడ్యూల్‌ను చెన్నైలో ప్రారంభించారు. 

తాజా షెడ్యూల్‌లో తాను పాల్గొంటున్నట్టు అమీ జాక్సన్ తెలిపింది. రజినీకాంత్.. అమీజాక్సన్ కాంబినేషన్లో కొన్నియాక్షన్ సీన్స్‌ను ఈ షెడ్యూల్‌లో ప్లాన్ చేసినట్టుగా దర్శకనిర్మాతలు అంటున్నారు. భారీ బడ్జెట్‌తో భారీ అంచనాలతో రూపొందుతోన్న ఈ సినిమా, వచ్చే ఏడాది వేసవి సెలవుల్లో ప్రేక్షకుల ముందుకు రానుంది. ఈ సినిమా హిట్ కొడితే అమీ జాక్సన్ కెరియర్‌కి ఇక తిరుగులేనట్టేనని సినీ వర్గాలు అంటున్నాయి.