తమిళంలో సూపర్ హిట్ అయిన "సింగం" చిత్రాన్ని బాలీవుడ్‌లోనూ ఇదే పేరుతో అజయ్ దేవగన్ హీరోగా, కాజల్ అగర్వాల్ హీరోయిన్‌గా తెరకెక్కించారు. ఇపుడా చిత్రం సూపర్ డూపర్ హిట్ అయింది. తొలి వారంలోనే సుమారు 44 కోట్ల రూపాయలకు పైగా గ్రాస్‌ను వసూలు చేసింది.
ఇంకేముంది. కాజల్ అగర్వాల్ ఈ సినిమా హిట్‌తో మేఘాల్లో తేలిపోతోందట. పైగా ఆమెను బుక్ చేసుకునేందుకు బాలీవుడ్ దర్శకనిర్మాతలు ఎగబడుతున్నారట. ఈ పరిస్థితుల్లో తనకు లైఫ్ ఇచ్చిన టాలీవుడ్ ఇండస్ట్రీ పిలిస్తే స్పందించడం లేదట.
" సింగం" హిట్‌తో కాజల్ కళ్లు నెత్తిపైకి వచ్చాయని కొంతమంది మండిపడుతున్నారు. అన్నట్లు ఇటీవల నాగచైతన్య "దడ" చిత్రం ఆడియో ఫంక్షన్‌కు కూడా కాజల్ ఎగ్గొట్టింది. కారణం బాలీవుడ్‌లో సక్సెస్ కావడమేనని అనుకుంటున్నారు.