శృంగార పాత్ర అయినా మోతాదుకు మించలేదు : విదీషా

File FILE

విదీషా... తెలుగు తెరకు కొత్తగా పరిచయమైన హీరోయిన్. గతంలో తెలుగు చిత్ర పరిశ్రమకు పరిచయమున్న నటి. "అత్తిలి సత్తిబాబు"లో అల్లరి నరేష్‌తో నటించింది. ఆ తర్వాత తమిళ, కన్నడ చిత్రాలకు పనిచేసింది. అయినా అక్కడ తృప్తి చెందడం మాట అటుంచి నిలదొక్కుకోలేక పోయింది.

దీంతో మళ్లీ తెలుగు వెండి తెరపైకి వచ్చింది. తెలుగులోనే మంచి ఆఫర్లు వస్తున్నాయి భామకు. అందుకే ఈ అమ్మణి ఇటువైపు సారించింది. ప్రస్తుతం శ్రీకాంత్‌ హీరోగా "దేవరాయ" చిత్రంలో నటిస్తోంది.

శ్రీకృష్ణదేవరాయ బ్యాక్‌డ్రాప్‌తో ఈ చిత్రం రూపొందుతోంది. ఇందులో అమ్మడు కాస్త గ్లామర్‌గా కన్పించనుంది. రాజవంశీయుల హోయలు ఒలకపోసింది.

కథకు తగినట్లుగా ఉన్న ఈ పాత్రలో శృంగారం అనిపించినా... అది మోస్తరుకు మించలేదని నిర్మొహమాటంగా చెప్పేసింది. మరి సినిమా విడుదలయ్యాక ఎలా ఉంటుందోచూడాలి.