యువహీరో రాణాతో మోహన్‌దాస్ ప్రేమాయణం!

మమతా మోహన్‌దాస్ అటు నటిగా, ఇటు గాయనిగా టాలీవుడ్ చిత్ర పరిశ్రమలో ప్రత్యేక గుర్తింపు పొందింది. అయితే, ఈ ముద్దుగుమ్మ యువ హీరోతో ప్రేమలో పడినట్టు ఫిల్మ్ నగర్‌లో వార్తలు గుప్పుమంటున్నాయి. తెలుగు సినీ మొఘల్ చక్రవర్తి డాక్టర్ రామానాయుడు మనవడు రాణాతో ఈ ముద్దుగుమ్మ ప్రేమాయణం సాగిస్తున్నట్టు సినీ వర్గాలు చెపుతున్నాయి.

శేఖర్ కమ్ముల దర్శకత్వంలో రూపొందుతున్న చిత్రం "లీడర్‌"లో హీరోగా పరిచయం అవుతున్న రాణాను చూసిన తొలిచూపులోనే మమతా ప్రేమలో పడిపోయిందట. ఈ విషయం తెలుసుకున్న రాణా.. తన తొలి చిత్రంలో హీరోయిన్‌గా మమతను ఎంపిక చేయాలని.. తాతకు సిఫార్సు చేశాడట. అయితే, దర్శకుడి ఇష్టం మేరకు ఇతర నటీనటుల ఎంపిక ఉంటుందని తాత సెలవివ్వడంతో రాణా తన ప్రేయసికి సాయం చేయలేక పోయారట.

ఈ పుకార్లపై మాత్రం మమతా తీవ్రంగానే మండిపడుతున్నారు. ఇలాంటి అవాస్తవ వార్తలు ఎక్కడ నుంచి పుట్టిస్తారని మీడియాపై మమతా చిందులేస్తోందట. మలళయాళంలో గతంలో ఎదురైన అనుభవాన్నే ఈ ముద్దుగుమ్మ గుర్తుకు తెచ్చుకుని ప్రవర్తిస్తోందట. రాణా తనకంటే చిన్న వయస్సు పిల్లవాడు. అతనితో నాకు ప్రేమాయణం ఏంటీ అని ప్రశ్నిస్తోంది. ఏది ఏమైనా.. "నిప్పు లేనిదే పొగరాదన్న" సామెతను మమతా మోహన్‌దాస్‌ మరచిపోయినట్టుంది.