హైదరాబాదు నుంచి ముంబైకి మకాం మార్చిన ప్రౌఢసుందరి టబు మొన్నటివరకూ హీరోయిన్ పాత్రలు మాత్రమే చేస్తానని పోజులు కొట్టింది. చివరికి ఆమె కోరిన పాత్రలు రాకపోయేసరికి అమ్మ పాత్రలనైనా చేస్తానంటోందట. టబు తన మనసులో మాటను అలా బయట పెట్టిందో లేదో ఆంగ్ లీ అనే దర్శకుడు ఆమె ఇంటి ముందు వాలిపోయాడు.
" లైఫ్ ఆఫ్ పై" అనే చిత్రంలో ఆమెకు ఆఫర్ ఇచ్చాడు. ఈ చిత్రంలో ఇర్ఫాన్ ఖాన్‌కు తల్లిగా టబు నటిస్తోంది. ఇక్కడో విచిత్రం ఏంటంటే... అంతకు ముందు ఓ సినిమాలో ఇర్ఫాన్‌కు టబు జోడీగా నటించింది. ఇపుడు అతడికి తల్లిగా నటించడానికి ఒప్పుకుంది.
మరి బాలీవుడ్ ప్రేక్షకులు వీళ్లద్దరిని ఎలా రిసీవ్ చేసుకుంటారో చూడాలి. టబు మాత్రం తనకు అమ్మలా నటించడం భలేగా ఉందని చెపుతోంది. అవును.. అందని ద్రాక్ష పుల్లన.. వచ్చిన ఛాన్సే తియ్యన.