బక్క హీరో ధనుష్‌తో సినిమా చేయలేదనే టాక్ రావడంతో త్రిష ఆ హీరోతో నటించాల్సిందేనే నిర్ణయానికి వచ్చినట్లు తెలుస్తోంది. ధనుష్-త్రిష ఈ మధ్య తెగ క్లోజ్‌గా ఉన్నట్లు వార్తలొచ్చాయి. ఇవి నిజం చేసేటట్లు ధనుష్ చిత్రంలో నటించే ఆఫర్‌ను త్రిష కొట్టేసింది. ఈ ఛాన్స్‌ కోసం త్రిష పేరును ధనుష్ రెకమెండ్ చేశాడట.
గతంలో ధనుష్ నటించిన 'ఆడుగళం' సినిమా కోసం త్రిషను తీసుకున్నప్పటికీ మొదట్లోనే ఆమెను డ్రాప్ చేశారు. ఈ నేపథ్యంలో త్రిష ఇప్పుడు ధనుష్‌తో కలిసి ఓ సినిమాలో నటించనుందనే వార్త కోలీవుడ్‌లో ప్రచారంలో వుంది.
ఇటీవల ధనుష్‌తో 'వేలై ఇల్లా పట్టదారి" చిత్రాన్ని రూపొందించిన వేల్ రాజ్ మళ్లీ ధనుష్ తోనే ఓ సినిమా ప్లాన్ చేస్తున్నాడు. ఇందులో త్రిషను కథానాయికగా తీసుకున్నట్టు వార్తలు వినిపిస్తున్నాయి. ధనుష్ రికమండేషన్ కారణంగానే ఈ చెన్నై ముద్దుగుమ్మకి ఆఫర్ వచ్చినట్లు సమాచారం.