బాలీవుడ్ భామ ప్రియాంకా చోప్రా వెండితెర నుంచి బుల్లితెరకు రానుంది. అయితే అది మనదేశంలో కాదండోయ్.. అమెరికాలోని ప్రఖ్యాత టెలివిజన్ నెట్ వర్క్ ABCతో ఆమె చేతులు కలుపుతోంది. ఇందుకు సంబంధించి ఆ టీవీ నెట్ వర్క్ సంస్థతో ఈ ముద్దుగుమ్మ ఒక ఏడాది పాటు కొనసాగే డీల్ కుదుర్చుకుంది.
తద్వారా అమెరికా టీవీ నిర్మించే సీరియల్‌లో ప్రియాంకా నటించాల్సి వుంటుంది. భారీ మొత్తంతో ఈ డీల్ కుదిరిందనీ, తొలిసారిగా ఓ భాలీవుడ్ భామకు ఇలాంటి అవకాశం వచ్చిందని మీడియాలో జోరుగా ప్రచారం సాగుతోంది.
ఈ కొత్త ప్రాజెక్టుల వల్ల ఈ బాలీవుడ్ చిన్నది ప్రపంచ వ్యాప్తంగా పాపులర్ అయ్యే అవకాశం వుంది. ఇప్పటికే గత సంవత్సరం చేసిన 'ఎగ్జోటికా' పాప్ ఆల్బం ద్వారా ప్రియాంకా మంచి గుర్తింపు తెచ్చుకున్న సంగతి తెలిసిందే.