బాలకృష్ణతో సింహా, శ్రీరామరాజ్యం చిత్రాలలో నటించిన నయనతార ఆయనతో మరోసారి జతకడుతోంది. 'లౌక్యం' ఫేం శ్రీవాస్ దర్శకత్వంలో బాలయ్య నటించే తన 99వ చిత్రానికి ఈ ముద్దుగుమ్మను ఖరారు చేశారు.
ఈ చిత్రానికి ఆమె డేట్స్ కూడా కేటాయించినట్టు ఫిలిమ్ నగర్ వర్గాల సమాచారం. ఇందులో నటించడం కోసం తమిళంలో కొన్ని పెద్ద ప్రాజక్టులను కూడా నయన్ వదులుకుందట.
ప్రముఖ రచయితలు కోన వెంకట్, గోపీమోహన్ దీనికి రచన చేస్తున్నారు. ఈ చిత్రాన్ని ప్రముఖ ప్రొడక్షన్ హౌస్ 'ఎరోస్ ఇంటర్నేషనల్' నిర్మిస్తుందట.