సినీ నటి కరాటే కళ్యాణిని హైదరాబాద్ వనస్థలిపురం పోలీసులు అరెస్టు చేశారు. వనస్థలిపురంలోని ఒక ఇంట్లో పేకాట ఆడుతుండగా పోలీసులు ఆమెతో పాటు.. మరో 11 మందిని అదుపులోకి తీసుకున్నారు. వీరితో పాటు.. వారి నుంచి రూ. 75 వేల నగదు, 8 మొబైల్ ఫోన్లు స్వాధీనం చేసుకున్నామని పోలీసులు తెలిపారు. వారి వద్ద పోలీసులు విచారణ జరుపుతున్నారు.
వనస్థలిపురం పోలీస్ స్టేషన్ పరిధిలోని జహంగీర్‌లో పేకాట స్థావరంపై పోలీసుల దాడులు చేశారు. ఈ దాడిలో పదకొండు మంది పేకాట రాయుళ్లను అరెస్ట్ చేశారు. వారి వద్ద నుంచి రూ.77 వేల నగదు, 8 సెల్ ఫోన్లు స్వాధీనం చేసుకున్నారు. ఈ పేకాట రాయుళ్లలో సినీ ఆర్టిస్టు కళ్యాణి కూడా పట్టుబడింది.
ఆదివారం రాత్రి పేకాట స్థావరం నడుపుతున్నారని సమాచారం తెలుసుకున్న పోలీసులు దాడులు నిర్వహించారు. పేకాటరాయుళ్లు పోలీసులను చూసి పారిపోతుండగా పట్టుకున్నారు. కరాటే కళ్యాణిగా పాపులర్ అయిన కళ్యాణి ఈ పేకాట బ్యాచ్‌లో దొరకడంతో టాలీవుడ్‌లో కలకలం రేగింది.