రాంగోపాల్ వర్మ ఏ సబ్జెక్టుపైనైనా కామెంట్ కొట్టాడంటే ఇక దానికి ఎండ్ మార్క్ మేటర్ ఫినిష్ అయిన తర్వాతే ఉంటుంది. ఇప్పుడు టెంపర్ పై వర్మ ట్వీట్లిచ్చారు. టెంపర్ ఫస్ట్ లుక్ ఫోటోలపై రామ్ గోపాల్ వర్మ స్పందించాడు. ఎప్పుడూ నెగటివ్ కామెంట్లిచ్చే వర్మకు ఏమైందో గానీ టెంపర్ ఫస్ట్ లుక్ ఫోటోలపై తెగ ప్రశంసల జల్లు కురిపించాడు. ఇంకా టెంపర్ స్టైల్ చూశాక.. తారక్‌ను డైరెక్ట్‌ చేసే సత్తా, అర్హత తనకు లేదన్న విషయం గ్రహించానని ముక్తాయించాడు.
టెంపర్‌ఫస్ట్‌లుక్‌ ఫోటోలో తారక్‌ సింప్లీ అవుట్‌ స్టాడింగ్‌ అంటూ ‘పూరి జగన్ క్రియేట్‌ చేసిన క్యారెక్టర్లలో టెంపర్.. బె‌స్ట్‌ అనుకుంటున్నా. ఈ సినిమా కమర్షియల్‌ చిత్రమే కాక కామెడీ, పాటలు, సన్నివేశాలతో భారీగా రూపొందుతోంది. జ‘గన్‌’ నుంచి వస్తున్న బుల్లెట్‌లా తారక్‌ ఈ సినిమాలో కనిపించబోతున్నాడు’. అంటూ జూనియర్‌ ఎన్టీఆర్‌ని ఆకాశానికి ఎత్తేస్తూ ట్వీట్‌ చేశాడు.
ఇంతటితో ఆగకుండా టెంపర్‌తో పోల్చితే పోకిరి, బిజినెస్‌మేన్‌లు ప్లాఫ్‌లు కింద లెక్కేనంటూ మరోసారి తనదైన శైలిలో వివాదస్పద వ్యాఖ్యలు చేశాడు. అదిసరే వర్షాకాలంలో ఆమధ్య విడుదలయిన వర్మ ఐస్ క్రీం గాలి, ఎండ తగలకుండానే కరిగిపోయింది... మరి టెంపర్ పై వర్మ కామెంట్లకు ఎంతమాత్రం టెంపర్ ఉంటుందోనని కొందరు వ్యాఖ్యానిస్తున్నారు. చూద్దాం 'టెంపర్' టెంపరేచర్ ఎంతోమరి.