మదరాసు నుంచి హైదరాబాద్‌కు ఇండస్ట్రీ తరలి వచ్చినప్పుడు అప్పటి మదరాసు ఛాంబర్‌ను తెలుగులో మారుస్తూ ఆంధ్రప్రదేశ్ ఫిల్మ్‌ చాంబర్‌ ఆఫ్‌ కామర్స్‌గా పేరు పెట్టారు. కాగా, ఇప్పుడు రాష్ట్రాల విభజనతో తెలంగాణా కూడా కొత్తగా ఛాంబర్‌ ఏర్పాటు చేయడంతో తప్పని పరిస్థితుల్లో పేరు మార్చాల్సి వచ్చింది. ఇప్పటికి విజయవాడలో ఫిలిం ఛాంబర్‌ వుంది.
ముందుముందు విజయవాడ, వైజాగ్‌లో సినిమా రంగం అబివృద్ధి చెందేలా ఇంటర్‌నల్‌గా ప్లాన్‌లు జరుగుతున్నాయి. అందుకే ఆదివారంనాడు ఆంధ్రప్రదేశ్ ఫిల్మ్‌ చాంబర్‌ అఫ్‌ కామర్స్‌ మెంబర్స్‌ అంతా కలిసి విజయవాడలో మీటింగ్‌ జరిపారు. ఇందులో ముఖ్యంగా ఆంధ్రప్రదేశ్ ఫిల్మ్‌ చాంబర్‌ ఆఫ్‌ కామర్స్‌ పేరు మార్చడానికి వారు చర్చలు జరుపుతున్నారు.
ఇప్పటివరకూ ఆంధ్రప్రదేశ్ ఫిల్మ్‌ చాంబర్‌ ఆఫ్‌ కామర్స్‌ అని ఉన్న పేరును తెలుగు ఫిల్మ్‌ చాంబర్‌ అఫ్‌ కామర్స్‌ అనే పేరులో మార్చడానికి పలువురు ఆసక్తి చూపుతున్నారు. ఇటీవలే ఆంధ్రప్రదేశ్ ఫిలిం ఛాంబర్‌ను తెలుగు.. పేరుగా మారిస్తే.. తెలంగాణ వారు ఒప్పుకోలేదు. మరి ఇప్పుడు కూడా ఇది చర్చకు తావిచ్చింది. మరి ఈ విషయంలో ఫైనల్‌ నిర్ణయం ఎలా వుంటుందో చూడాలి.