టాలీవుడ్‌లో టాప్ హీరోయిన్‌గా వెలుగుతున్న అందాల తార చార్మీ. ఈ బ్యూటీ నటించిన తాజా చిత్రం మంత్ర-2. ఈ చిత్రాన్ని జూన్ రెండో తేదిన విడుదల చేసేందుకు చిత్ర దర్శక నిర్మాతలు ప్లాన్ చేస్తున్నట్లు సమాచారం. అయితే అధికారిక ప్రకటన అందాల్సి ఉంది. ఇదిలా ఉంటే మంత్ర -2 చిత్రం గతంలో వచ్చిన మంత్ర చిత్రానికి సీక్వెల్ కాదట.
మంత్ర 2 లో చార్మి పర్ఫామెన్స్ హైలైట్‌గా ఉంటుందట. గత 2007లో విడుదలైన మంత్ర చిత్రం చార్మికి మంచి పేరు తెచ్చిపెట్టింది. అయితే ఆ తర్వాత వచ్చిన వరుస అపజయాలతో చార్మి కొంత డీలా పడింది. దీంతో మంత్రి-2నే చార్మి ఆశలు పెట్టుకుంది. మంత్ర 2 చిత్రానికి సునిల్ కస్యాప్ సంగీతాన్ని అందించగా, చిత్రంలో చేతన్, తనికెళ్లభరణి, రాహుల్ దేవ్, ఉత్తేజ్ తదితరులు ముఖ్య పాత్రల్లో నటిస్తున్నారు. మంత్ర -2ను షాయ్‌రెడ్డి, యాదగిరిలు చిత్ర నిర్మాణ బాధ్యతలు చేపట్టారు.