తనిష్క మల్టీ వీనస్‌ బేనర్‌ సమర్పణలో బిబిఎస్‌ స్టూడియో మోషన్‌ పిక్చర్స్‌ సంయుక్తంగా నిర్మిస్తున్న చిత్రం 'బందూక్‌'. పూర్తి తెలంగాణా నటీనటులు, సాంకేతిక సిబ్బందితో చిత్రీకరణ జరిపినట్లు నిర్మాతలు చెబుతున్నారు. ఈ చిత్రం కోసం తెలంగాణలోని ప్రతి జిల్లాల్లోనూ షూటింగ్‌ చేయడం విశేషం.
9వ శతాబ్దాంలో చైనా వాళ్ళ చేతిలో తయారుచేసిన బందూక్‌ నేటివరకు ఎన్ని రూపాలు మారింది? అనే నేపథ్యంలో చిత్రముంటుంది. ఇందులో గోరేటి వెంకన్న వ్రాసిన పాటని 'బ్రీత్‌లెస్‌'గా పాడించడం హైలైట్‌గా నిలుస్తుంది. 5 నిముషాలు వున్నా ఈ సాంగ్‌ గిన్నీస్‌ రికార్డ్‌ కోసం ప్రయత్నం చేస్తున్నామనీ, త్వరలో ఆడియోను విడుదల చేస్తామని నిర్మాత గుజ్జ యుగంధరరావు ప్రకటనలో పేర్కొన్నారు. లక్ష్మణ్‌ మురారి (బాబీ) ఈ చిత్రానికి దర్శకుడు.