హీరో ప్రభాస్, హీరోయిన్ అనుష్క ప్రధాన పాత్రధారులుగా సక్సెస్ రాజమౌళి నిర్మిస్తున్న చిత్రం "బాహుబలి". ప్రస్తుతం ఈ చిత్రం షూటింగ్ శరవేగంగా జరుపుకుంటోంది. అయితే, ఈ చిత్రాన్ని చైనా భాషలోకి అనువదించి విడుదల చేయాలని దర్శకుడు ఎస్ఎస్. రాజమౌళి నిర్ణయించారు. దీంతో చైనీస్ పంపిణీదారులతో చర్చలు జరుపుతున్నాడు. ఈ క్రమంలో 'బాహుబలి' చిత్రానికి అక్కడి పబ్బుల్లో అప్పుడే ప్రచారం మొదలెట్టారు.
కాగా, నాని, సమంత జంటగా రాజమౌళి తీసిన చిత్రం "ఈగ". ఈ చిత్రాన్ని కూడా 'కుంగ్ ఫ్లూ ఫ్లై' పేరిట చైనీస్ భాషలోకి అనువదించి విడుదల చేయగా మంచి రెస్పాన్స్ వచ్చింది. దీంతో 'బాహుబలి' చిత్రాన్ని కూడా అనువదించి రిలీజ్ చేసేందుకు రాజమౌళి ఇప్పటికే ప్రయత్నాలు మొదలు పెట్టారు. దీని ఫలితంగా చైనాలోని పలు ప్రాంతాల్లో గోడలపై బాహుబలి పోస్టర్లు ప్రత్యక్షమవుతున్నాయి.
ఫలితంగా 'బాహుబలి' సినిమా వాల్ పోస్టర్లు అప్పుడే చైనాలో సందడి చేస్తున్నాయి. అలాగే 'బాహుబలి' టాటూస్‌ను అక్కడి యువత బాగా వేయించుకుంటున్నారట. ఈ వరుస చూస్తుంటే ఈ చిత్రం అక్కడ సెన్సేషన్ క్రియేట్ చేయడం ఖాయమనిపిస్తోంది.