పూర్ణచంద్ర మూవీ మేకర్స్ పతాకంపై భాగ్యరాజా తనయుడు శాంతన్ భాగ్యరాజ్ హీరోగా, అంద్రితను కథానాయికగా పరిచయం చేస్తూ ఆముదాలు దేవేష్ సమర్పణలోరూపుదిద్దుకుంటోన్న చిత్రం "సరే నీ ఇష్టం". మహేష్ చంద్ర స్వీయ నిర్మాణంలో రూపొందుతోన్న ఈ సినిమా షూటింగ్ శరవేగంగా జరుగుతోంది.
ప్రస్తుతం డబ్బింగ్ పూర్తిచేసుకుంది. మరోవైపు రీరికార్డింగ్ జరుపుకుంటోన్న ఈ చిత్ర ఆడియోను ఈ నెల 10వ తేదీన లహరి మ్యూజిక్ ద్వారా విడుదల చేస్తున్నట్లు నిర్మాత వెల్లడించారు. అన్ని వర్గాల ప్రేక్షకులను ఈ సినిమా ఆకట్టుకుంటోందని ఆయన తెలిపారు.
ఇంకా ఈ చిత్రానికి సంగీతం.. చక్రి, కెమేరా.. విజయ్ కుమార్, నిర్మాతలు, మహేష్ చంద్ర, రమేష్ రెడ్డి, జీవిత రెడ్డి, సోమారెడ్డి, విజయ్, దర్శకత్వం.. మహేష్ చంద్ర.